IPL ફરી પોતાના જૂના ફોર્મેટમાં રમવામાં આવશે, જેમાં ટીમો પોતાનાં ડોમેસ્ટિક મેદાન પર અને વિરોધી ટીમના મેદાન પર મેચ રમશે.
આવતા વર્ષે IPLનું ફોર્મેટ બદલાશે
ફરી જૂના ફોર્મેટ પ્રમાણે રમવામાં આવશે લીગ
ટીમો પોતાનાં ડોમેસ્ટિક મેદાન પર અને વિરોધી ટીમના મેદાન પર મેચ રમશે
વિશ્વ પ્રતિષ્ઠિત ટી20 લીગ IPLનું ફોર્મેટ આવતા વર્ષે ફરી બદલાશે. BCCI ના અધ્યક્ષ સૌરવ ગાંગુલીએ આ વિશે રાજ્યની બ્રાંચોને જાણકારી આપી છે. આવતા વર્ષે એટલે કે 2023થી IPL કોવિડ પહેલા પોતાના જૂના ફોર્મેટમાં વાપસી કરશે, જેમાં ટીમો પોતાનાં ડોમેસ્ટિક મેદાન પર અને વિરોધી ટીમના મેદાન પર મેચ રમતી હતી.
જૂના ફોર્મેટમાં જ થશે લીગ
વર્ષ 2020માં IPLનું આયોજન UAE ના ત્રણ સ્થાનો દુબઇ, શારજાહ અને અબુધાબીમાં ખાલી સ્ટેડિયમોમાં કરવામાં આવ્યું હતુ. વર્ષ 2021માં આ ટી20 ટુર્નામેન્ટનું આયોજન ચાર સ્થાનો દિલ્હી, અમદાવાદ, મુંબઈ અને ચેન્નાઈમાં કરવામાં આવ્યું હતું. હવે મહામારી નિયંત્રણમાં છે અને એટલા માટે આ લીગ ડોમેસ્ટિક મેદાન પર વિરોધી ટીમના મેદનના જૂના ફોર્મેટ પ્રમાણે રમવામાં આવશે.
ગાંગુલીએ રાજ્ય સંઘોને આપી જાણકારી
BCCI અધ્યક્ષ સૌરવ ગાંગુલીએ રાજ્યની બ્રાંચોને આ વિશે સંદેશ મોકલી આપ્યો છે. તેમાં કહેવામાં આવ્યું છે કે IPLનેએ આવતા વર્ષે ડોમેસ્ટિક મેદાન અને વિરોધી ટીમના મેદાન પર રમવામાં આવશે. બધી 10 ટીમો પોતાના ડોમેસ્ટિક મુકાબલા નક્કી કરેલા સ્થળ પર રમશે. BCCI 2020 બાદ પહેલી વાર પોતાની આખી ઘરેલૂ સિઝન આયોજિત કરી રહ્યું છે, જેમાં ટીમો ડોમેસ્ટિક અને વિરોધી ટીમના જૂના ફોર્મેટ પ્રમાણે રમશે.
મહિલા IPLનો પણ પ્લાન
BCCI આ ઉપરાંત વર્ષની શરૂઆતમાં મહિલા આઈપીએલનું આયોજન કરવાની પણ યોજના બનાવી રહ્યું છે. આ વિશે રિપોર્ટ અનુસાર, મહિલા આઈપીએલનું આયોજન સાઉથ આફ્રિકામાં થનાર મહિલા ટી20 વિશ્વ કપ બાદ માર્ચમાં કરવામાં આવશે. ગાંગુલીએ 20 સપ્ટેમ્બરના રોજ મોકલવામાં આવેલા સંદેશમાં કહયું કે BCCI અત્યારે મહિલા આઈપીએલના આયોજન પર કામ કરી રહ્યુ છે. આની પહેલી સિઝન આવતા વર્ષની શરૂઆતમાં આયોજિત થઈ શકે છે. મહિલા આઈપીએલ ઉપરાંત BCCI છોકરીઓનાં અંડર 15 એક દિવસીય ટુર્નામેન્ટને પણ આયોજિત કરશે.