IPL final / IPL ફાઇનલની મેચે બગાડી ટીમ ઈન્ડિયાની પ્લાનિંગ, WTC ફાઈનલ પર પડશે ખૂબ જ ખરાબ અસર!

• IPL 2023 ની ફાઇનલ મેચને રિઝર્વ ડે એટલે કે આજે રમાવવામાં આવશે
• તેને કારણે ટીમ ઈન્ડિયાના ખેલાડીઓનું સમગ્ર શેડ્યુલ બગડી ગયું
• ઈંગ્લેન્ડના WTCમાં રમનાર આ ખેલાડીઓ IPL ફાઇનલ માટે હજુ ઈન્ડિયામાં 

IPL 2023 ની ફાઇનલ મેચ ચેન્નાઇ સુપર કિંગ્સ અને ગુજરાત ટાઇટન્સ વચ્ચે 28 મેના રોજ અમદાવાદના નરેન્દ્ર મોદી સ્ટેડિયમમાં યોજાવાની હતી પણ વરસાદને કારણે મેચમાં એક પણ બોલ ફેંકી શકાયો ન હતો. એવામાં હવે આ ફાઇનલ મેચને રિઝર્વ ડે 29  મે એટલે કે આજે રમાવવામાં આવશે. એવામાં હવે આજે વરસાદ આવે, તોફાન આવે કે ગમે તે થાય, પણ ચેમ્પિયન મળી જશે. 

જણાવી દઈએ કે BCCI દ્વારા સ્પષ્ટ કરવામાં આવ્યું છે કે મેચ કયા સમયે શરૂ થશે, મેચ કેટલી ઓવરની હશે, જ્યારે જો મેચમાં વરસાદ આવે અને એક બોલ પણ ન ફેંકાય તો ગુજરાત ટાઇટન્સને ચેમ્પિયન જાહેર કરવામાં આવશે. પરંતુ ફાઈનલ મેચ એક દિવસ આગળ વધવાને કારણે ટીમ ઈન્ડિયાના ખેલાડીઓનું સમગ્ર શેડ્યુલ બગડી ગયું છે. તે ડબલ્યુટીસી ફાઈનલને પણ અસર કરી શકે છે. 

Ready to re-attend the #TATAIPL 2023 #Final today?

Here's everything you need to know about your Physical tickets 🎟️

Note - There will be no entry without physical tickets pic.twitter.com/B1ondsXvgP

— IndianPremierLeague (@IPL) May 29, 2023

આજે IPL 2023ની ફાઇનલ મેચ CSK અને GT વચ્ચે રમાશે 
CSK અને GT વચ્ચે IPL 2023ની ફાઈનલ હવે 29 મેના રોજ રમાશે. જ્યારે વરસાદે 28 મેના રોજ ફાઇનલ મેચમાં વિક્ષેપ પાડ્યો હતો, ત્યારે ઉતાવળમાં જાહેરાત કરવામાં આવી હતી કે 29 મેના રોજ ફાઇનલ યોજાશે. પરંતુ જો મેચ 28 મેના રોજ થઈ હોત તો સૌથી પહેલા નવી આઈપીએલ ચેમ્પિયન મળી ગઈ હોત, સાથે જ આજે એટલે કે 29 મેના રોજ ટીમ ઈન્ડિયા ઈંગ્લેન્ડ જવા રવાના થઈ ગઈ હોત. 

ઈંગ્લેન્ડના WTCમાં રમનાર આ ખેલાડીઓ IPL ફાઇનલ માટે હજુ ઈન્ડિયામાં 
જોકે ભૂતપૂર્વ કેપ્ટન વિરાટ કોહલી, મોહમ્મદ સિરાજ, શાર્દુલ ઠાકુર અને પછી રોહિત શર્મા ઈંગ્લેન્ડ જવા રવાના થઈ ગયા છે કારણ કે આ તમામ ખેલાડીઓ માટે આઈપીએલ સમાપ્ત થઈ ગઈ છે. શુભમન ગિલ, રવિન્દ્ર જાડેજા અને મોહમ્મદ શમીની વાત કરીએ તો આ ખેલાડીઓની ટીમ ફાઇનલમાં છે. પ્રાપ્ત માહિતી અનુસાર, આ તમામ ખેલાડીઓ 29 મેના રોજ ફાઈનલ માટે ઈંગ્લેન્ડ જવાના હતા પણ હવે ઓછામાં ઓછા એકથી બે દિવસ તેની અસર જોવા મળશે. આખી ટીમ ઈન્ડિયા જે 1 જૂને એકસાથે ત્યાં હજાર થવાની હતી પણ હવે બે કે ત્રણ તારીખે એક સાથે મળશે. 

Inching closer to the ultimate showdown ⏳

It all boils down to this 👊

Who will emerge victorious in the #Final 🏆 #TATAIPL | #CSKvGT pic.twitter.com/fBMqYDu4pG

— IndianPremierLeague (@IPL) May 28, 2023

WTC ફાઈનલ ભારત અને ઓસ્ટ્રેલિયા વચ્ચે 7 જૂનથી યોજાશે 
WTC એટલે કે વર્લ્ડ ટેસ્ટ ચેમ્પિયનશિપની ફાઈનલ 7 જૂનથી ઈંગ્લેન્ડના ઓવલ ખાતે યોજાવાની છે. આ માટે ઓસ્ટ્રેલિયાની લગભગ આખી ટીમ પહોંચી ગઈ છે, જ્યારે આઈપીએલના કારણે ટીમ ઈન્ડિયા અલગ-અલગ બેચમાં રવાના થઈ રહી છે. આ દરમિયાન રોહિત શર્મા અને યશસ્વી જયસ્વાલ પણ ઈંગ્લેન્ડ ગયા છે. જો કે યશસ્વી જયસ્વાલનો ટીમમાં સમાવેશ કરવામાં આવ્યો ન હતો, પરંતુ અચાનક ખબર પડી કે સ્ટેન્ડબાય પ્લેયર તરીકે સામેલ કરાયેલા રુતુરાજ ગાયકવાડના લગ્ન છે અને તેથી તે ઈંગ્લેન્ડ જઈ શકશે નહીં, તેથી યશસ્વી જયસ્વાલને ટીમમાં સામેલ કરવામાં આવ્યા છે. હવે એવું માનવામાં આવે છે કે આઈપીએલ ફાઈનલ બાદ તે 30 કે 31 મેના રોજ ઈંગ્લેન્ડ જશે અને ત્યાર બાદ જ્યારે આખી ટીમ પહોંચશે ત્યારે પ્રેક્ટિસ તરીકે ઈન્ટ્રા સ્ક્વોડ મેચ રમાશે.