ક્રિકેટ / એકવાર ફરી યોજાઈ શકે છે એવી મેચ જેમાં ધોની હશે કેપ્ટન

• BCCI દ્વારા યોજાઈ શકે છે ઓલ સ્ટાર મેચ 
• ઓલ સ્ટાર મેચમાં સામેલ થશે બધી ટીમ 
• 29 માર્ચે શરુ થવાની છે IPL 

છેલ્લા ઘણા સમયથી મહેન્દ્ર સિંહ ધોની ક્રિકેટથી દૂર છે અને તેમના સંન્યાસની પણ અટકળો થઇ રહી છે ત્યારે કહ્બ્ર આવી છે કે તેઓ હવે કેપ્ટનશીપ કરવા માટે તૈયાર છે. વર્લ્ડકપમાં સેમીફાઈનલ બાદથી જ ધોની મેચથી દૂર છે. જોકે સંન્યાસ મુદ્દે ધોનીએ આજ સુધી કોઈ સ્પષ્ટતા કરી નથી. 

આઈપીએલના 3 દિવસ પહેલા યોજાઈ શકે છે ઓલ સ્ટાર મેચ 

મહેન્દ્ર સિંહ ધોની IPLમાં ચેન્નઈ સુપર કિંગ્સના કેપ્ટન છે. તેમની આગેવાનીમાં ટીમ 3 વખત ટૂર્નામેન્ટ જીતી ચુક્યું છે. જ્યારે આ વર્ષે IPL 29મી માર્ચે શરુ થવાનું છે. ફાઈનલ મુકાબલો મુંબઈમાં 24મી મેના રોજ રમાવામાં આવશે. જોકે આઈપીએલ રમાવવામાં આવે તેના 3 દિવસ પહેલાં એક ઓલ સ્ટાર મેચ રાખવામાં આવી છે. માનવામાં આવી રહ્યું છે કે આ મેચમાં આઠેય ફ્રેન્ચાઈઝીના ખેલાડી સામેલ થશે. 

સૌરવ ગાંગુલીના મગજની ઉપજ છે ઓલ સ્ટાર મેચ 

જોકે આ મુકાબલો ક્યાં રમવામાં આવશે તેને લઈને કોઈ સ્થિતિ હજુ સુધી સ્પષ્ટ નથી. માનવામાં આવી રહ્યું છે કે IPL 2020 શરુ થાય તે પહેલા ઓલ સ્ટાર મેચ રમાડવામાં આવે તે વિચાર BCCIના અધ્યક્ષ સૌરવ ગાંગુલી અને IPLના ચેરમેન બૃજેશ પટેલનો છે.

ધોની બની શકે છે કેપ્ટન 

જો આવું થાય છે તો ફરીએકવાર ક્રિકેટના મેદાનમાં વિરાટ કોહલી ધોનીની આગેવાનીમાં મેચ રમશે. આ ટીમમાં રોહિત શર્મા, વિરાટ કોહલી ધોનીના નેતૃત્વ હેઠળ જ ક્રિકેટ રમતા દેખાશે. કારણ કે એમએસ ધોની ચેન્નઈ સુપર કિંગ્સના કેપ્ટન છે જયારે રોયલ ચેલેન્જર્સ બેંગલુરુંની કમાન વિરાટના હાથમાં છે. રોહિત શર્મા મુંબઈ ઇન્ડિયન્સના કેપ્ટન છે. એવામાં જો ત્રણેય ખેલાડી ઓલ સ્ટાર મેચમાં એક જ ટીમમાં મેચ રમે તો આ ટીમ ધોનીની આગેવાનીમાં જ મેચ રમશે. આ ટીમમાં લસિથ મલીંગા, શેન વોટસન, જસપ્રીત બુમરાહ, એબી ડીવિલીયર્સ પણ નજરે પડી શકે છે.