IPL 2025 / BCCIએ રોહિત શર્માને આપી ખાસ ભેટ, કોહલી અને ધોનીને પણ મળી ચૂક્યું છે આ સન્માન

રોહિત શર્માના IPLમાં 18 વ અર્શ પૂરા થવા પર BCCI અધ્યક્ષ રોજર બિન્નીએ તેને ખાસ મોમેન્ટો આપ્યો હતો. આનો એક વીડિયો IPLના X એકાઉન્ટ પર શેર કરવામાં આવ્યો છે. જેમાં કેપ્શનમાં લખ્યું છે કે મુંબઈ ઈન્ડિયન્સના રોહિત શર્માને બીસીસીઆઇ અધ્યક્ષ રોજર બિન્ની તરફથી એક વિશેષ સ્મૃતિ ચિહ્ન (memento) પ્રાપ્ત થયું છે.

કોહલી-ધોનીને મળ્યું છે આ સન્માન

રોહિત શર્મા IPL 2025 માં આ પ્રકારનું સન્માન મેળવનાર ત્રીજો ભારતીય પ્લેયર બન્યો છે. આ પહેલા વિરાટ કોહલી અને મહેન્દ્ર સિંહ ધોનીને પણ IPL માં 18 વર્ષ પૂરા કરવા બદલ સન્માનિત કરવામાં આવ્યા હતા.

રોહિત શર્માની IPL કરિયર

રોહિત શર્મા, વિરાટ કોહલી, મનીષ પાંડે અને મહેન્દ્ર સિંહ ધોની IPLની પહેલી સીઝન (2008)થી લીગનો ભાગ છે. રોહિત શર્માએ પોતાની IPL કરિયરની શરૂઆત ડેક્કન ચાર્જર્સ હૈદરાબાદથી શરૂ કરી હતી. જે હવે સનરાઇઝર્સ હૈદરાબાદ બની ગઈ છે. તે પહેલી 3 સીઝન માટે આ ફ્રેન્ચાઇઝનો ભાગ હતો. પછી રોહિત મુંબઈ ઈન્ડિયન્સ સાથે જોડાયો અને 2011થી તે સતત મુંબઈ માટે રમી રહ્યો છે. અત્યાર સુધીમાં તેણે છ વખત આઈપીએલ ટ્રોફી જીતી છે પાંચ વખત મુંબઈની ટીમ માંથી અને એક વખત હૈદરાબાદની ટીમમાંથી.

વધુ વાંચો: VIDEO : મુંબઈ-હૈદરાબાદમાં એવું શું બન્યું કે બેટરને પાછો બોલાવવો પડ્યો, જાણો મામલો

રોહિત શર્માએ અત્યાર સુધીમાં IPLમાં 262 મેચોની 257 ઇનિંગ્સમાં 29.31 ની સરેરાશથી 6684 રન બનાવ્યા છે. જેમાં 2 સદી અને 43 અડધી સદીનો સમાવેશ થાય છે. રોહિત IPLમાં બીજો સૌથી વધુ મેચ રમનાર અને ત્રીજો સૌથી વધુ રન બનાવનાર પ્લેયર છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ