IPL 2023 / સનરાઇઝર્સ હૈદરાબાદ-રાજસ્થાન રૉયલ્સ વચ્ચે આજે થશે 'કાંટે કી ટક્કર', હેડ ટૂ હેડ આંકડામાં જાણો કોણ કોના પર ભારે

• સનરાઇઝર્સ હૈદરાબાદ અને રાજસ્થાન રોયલ્સ વચ્ચે આજે મેચ
• IPLની 16મી સિઝનમાં બંને ટીમો વચ્ચે આ પહેલી મેચ
• હેડ ટુ હેડ આંકડાઓના આધારે બંને ટીમોમાંથી કઈ ટીમ કોના પર ભારે પડશે?

IPL 2023 ની ચોથી મેચ સનરાઇઝર્સ હૈદરાબાદ અને રાજસ્થાન રોયલ્સ વચ્ચે આજે એટલે કે 2 એપ્રિલે રમાશે. જણાવી દઈએ કે બંને ટીમો વચ્ચેની આ મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાશે. આ મેચમાં સંજુ સેમસનની આગેવાનીવાળી ટીમ રાજસ્થાન રોયલ્સ ગત સિઝનની જેમ વર્ચસ્વ જાળવી રાખવાનો પ્રયાસ કરશે તો સનરાઈઝર્સ હૈદરાબાદનો નવો કેપ્ટન એઈડન માર્કરામ પોતાની ટીમને શરૂઆતની મેચમાં જીત અપાવવા ઈચ્છશે. 

નોંધનીય છે કે IPLની 16મી સિઝનમાં બંને ટીમો વચ્ચે આ પહેલી મેચ હશે. એવામાં હેડ ટુ હેડ આંકડાઓના આધારે બંને ટીમોમાંથી કઈ ટીમ કોના પર ભારે પડશે એ વિશે જાણીએ.. 

First Royals XI of 2023? Go! 👇 pic.twitter.com/4dAIYoPjOt

— Rajasthan Royals (@rajasthanroyals) April 2, 2023

ગઈ સિઝનમાં રાજસ્થાન રોયલ્સે સારું પ્રદર્શન કર્યું હતું
જો IPL 2022ની વાત કરીએ તો રાજસ્થાન રોયલ્સ ટીમ ફાઇનલમાં પહોંચી હતી અને રનર્સ અપ રહી હતી. એ સમયે રાજસ્થાનની ટીમ પોઈન્ટ ટેબલમાં બીજા નંબરે હતી તો સનરાઇઝર્સ હૈદરાબાદનું પ્રદર્શન ખૂબ જ શરમજનક રહ્યું હતું. નોંધનીય છે કે IPL 2022 માં હૈદરાબાદની ટીમ પોઈન્ટ ટેબલમાં આઠમા સ્થાને રહી અને પ્લેઓફ માટે ક્વોલિફાય થઈ શકી નહતી. જો કે આ વખતે એડન માર્કરામની કેપ્ટન્સીમાં સનરાઈઝર્સ ટીમ વધુ શક્તિશાળી દેખાઈ રહી છે. ટીમમાં ઘણા સારા ખેલાડીઓ છે જે મેચ પલટી શકે છે. 

#SRHvRR, A Sunday blockbuster that you don't want to miss! 😍

Binge watch the exciting contest as the #Risers return home after 4 years and take on the Royals at the #PreyGround 👊#OrangeFireIdhi #OrangeArmy #IPL2023 pic.twitter.com/ryPh8SHYaA

— SunRisers Hyderabad (@SunRisers) April 2, 2023

SRH vs RR હેડ ટુ હેડ
સનરાઇઝર્સ હૈદરાબાદ અને રાજસ્થાન રોયલ્સ વચ્ચે રમાયેલી આઈપીએલ મેચોના હેડ ટુ હેડ આંકડાઓ પર નજર કરીએ તો બંને ટીમો વચ્ચે કાંટાની ટક્કર જોવા મળી શકે છે. આઈપીએલમાં અત્યાર સુધીમાં હૈદરાબાદ અને રાજસ્થાન વચ્ચે કુલ 16 મેચ રમાઈ છે અને આ 16 મેચોમાં સનરાઇઝર્સે 8 અને રાજસ્થાને પણ 8 મેચ જીતી છે.