જોરદાર સુવિધા / IPL 2023માં જોવા મળશે કઇંક નવું, ક્રિકેટ રસિયાઓ જાતે જ બદલી શકશે કેમેરાનો એંગલ, આ છે માસ્ટરપ્લાન

• બદલાશે IPL જોવાની રીત
• ક્રિકેટ પ્રેમીઓ જાતે નક્કી કરશે કેમેરા એન્ગલ
• જિયો ડિજિટલ પર તેનુ પ્રસારણ થશે 

જિયો સિનેમા પર આઈપીએલ 2023નુ પ્રસારણ ફ્રીમાં કરાશે

આ વખતે આઈપીએલ એક અલગ અંદાજમાં જોવા મળશે, કારણકે ટીવી અને ડિજિટલ પર આ અલગ-અલગ પ્લેટફોર્મ પર જોવા મળશે. આઈપીએલના મીડિયા રાઈટ્સ ડિજિટલ પ્લેટફોર્મ માટે વાયકૉમ-18એ ખરીદ્યા હતા, જેનુ પ્રસારણ જિયો સિનેમા પર થશે. રિપોર્ટસ મુજબ, જિયો સિનેમા પર આઈપીએલ 2023નુ પ્રસારણ ફ્રીમાં કરવામાં આવશે. જેના માટે કોઈ પેકની જરૂર નહીં પડે. આ વખતે આઈપીએલનુ પ્રસારણ 12 ભાષાઓમાં કરવામાં આવશે. આ સાથે જિયોએ 4K ક્વોલિટીની સાથે આઈપીએલનુ પ્રસારણ કરવાનો નિર્ણય કર્યો છે, જેની બીસીસીઆઈ તરફથી મંજૂરી મળી ગઇ છે. 

દર્શકોને ફોન પર IPL સારી ક્વોલિટીમાં જોવા મળશે

એટલેકે આ વખતે દર્શકોને ફોન પર આઈપીએલ સારી ક્વોલિટીમાં જોવા મળશે. આની પહેલા હૉટસ્ટાર પણ એચડી ક્વોલિટીમાં આઈપીએલનુ પ્રસારણ કરતો હતો, પરંતુ 4K તેનાથી ઘણી સારી ટેકનોલોજી છે. આ સિવાય દર્શકોને જાતે પોતાનો કેમેરા એન્ગલ પસંદ કરવાની આઝાદી પણ હશે. એટલેકે જો તમારે બોલર એન્ડ વ્યુ અથવા બેટીંગ એન્ડ વ્યુ જોવો છે, તો તમારી મરજી રહેશે.