ચૈન્નઈ સુપર કિંગ્સ અને ગુજરાત ટાઈટન્સ વચ્ચે પ્રથમ મુકાબલો
અમદાવાદ : આજથી IPL 2023નો પ્રારંભ અમદાવાદના નરેન્દ્ર મોદી ક્રિકેટ સ્ટેડિયમમાં થયો છે.
ઓપનિંગ સેરેમનીમાં અરીજીત સિંહ,તમન્ના ભાટિયા સહિતના કલાકારો પરફોર્મ કરશે. આ ઓપનિંગ સેરેમનીમાં ડ્રોન શો પણ આકર્ષણનું કેંદ્ર બનશે.ઓપનિંગ સેરેમની બાદ CSK અને GT વચ્ચે પ્રથમ મુકાબલો શરૂ થશે. ૩ વાગ્યાથી દર્શકોના પ્રવેશ માટે ગેટ ખુલ્લો મુકાયો છે.એન્ટ્રી ગેઈટ બહાર પોલીસ દ્વારા ચેકિંગ થઈ રહ્યું છે. દર્શકોને માત્ર પર્સ અને મોબાઈલ સાથે જ પ્રવેશ અપાઈ રહ્યો છે . 10 મહિના બાદ મહેન્દ્રસિંહ ધોનીને મેદાનમાં જોવા દર્શકો આતુર છે.મોટા ભાગના તમામ લોકો ધોનીની 7 નંબરની જર્સી પહેરીને પહોંચી રહ્યાં છે. ગુજરાત ટાઈટન્સનું હોમ ગ્રાઉન્ડ હોવા છતા ચેન્નઈના સપોર્ટસ વધુ જોવા મળી રહ્યાં છે.
ગુજરાત ટાઈટન્સ વિરૂદ્ધ CSKના આ બેટ્સમેન કરશે ઓપનિંગ
ઈન્ડિયન પ્રીમિયર લીગની નવી સીઝનની શરૂઆત શુક્રવારે ચેન્નાઈ સુપર કિંગ્સ અને ગુજરાત સુપર જાયન્ટ્સની મેચથી થશે. રહાણેથી મેચની પૂર્વ સંધ્યા પર જ્યારે ઋતુરાજ ગાયકવાડ અને ડેવોન કોનવે જેવા બેટ્સમેનની હાજરીમાં તેમની ભૂમિકા વિશે પુછવામાં આવ્યું તો તેમણે કહ્યું, "હું હંમેશા ઓપનિંગ બેટ્સમેન રહ્યો છું. હું હંમેશા T20 ફોર્મેટમાં ઈનિંગની શરૂઆત કરૂ છું. તેથી મારી ભુમિકામાં ખૂબ ફરક નથી. તેમ છતાં મેનેજમેન્ટ અને કેપ્ટન મને જે કહેશે તે હું કરીશ. હું તેમ કરવા માટે હંમેશા તૈયાર છું. મારા માટે આ હંમેશા ટીમના વિશે છે. માટે જ્યારે પણ મને તક મળશે હું મારૂ બેસ્ટ આપીશ."
આજે IPLની શરૂઆત થવા જઈ રહી છે. પહેલી મેચ ગુજરાત ટાઈટન્સ અને ચેન્નાઈ સુપરકિંગ્સની વચ્ચે રમાશે. એટલે કે એમએસ ધોની અને હાર્દિક પંડ્યા વચ્ચે ટક્કર થશે. IPLની મેચ સાડા સાત વાગ્યે શરૂ થશે. ત્યાં જ સાત વાગ્યે ટોસ થશે. પરંતુ પહેલા દિવસે ઓપનિંગ સેરેમની પણ છે. જેમાં સિનેમા જગતની મોટી મોટી હસ્તિઓ શામેલ થશે. સિઝનની ઓપનર મેચને લઈને ક્રિકેટ ચાહકોમાં ભારે ઉત્સાહ જોવા મળી રહ્યો છે. આઈપીએલ 2023 ખાસ રહેવાનું છે કારણ કે આ વખતે ઘણા નવા નિયમો લાગુ કરવામાં આવ્યા છે.