ક્રિકેટ / રોહિત શર્મા નહીં, MS ધોની છે IPLનો સફળ કેપ્ટન, 'હિટમેન' આ મામલે ખૂબ પાછળ, જુઓ શું કહે છે આંકડા

• IPLમાં કેપ્ટન તરીકે સૌથી વધારે મેચ રમ્યો છે ધોની 
• રોહિત શર્મા આ લિસ્ટમાં જાણો કયા નંબર પર 
• ચેન્નાઈ સુપર કિંગ્સે 4 વખત જીતી છે IPLની ટ્રોફી

IPL 2023ની શરૂઆતમાં હવે ફક્ત થોડા જ દિવસો બાકી છે. IPL 16 પહેલા અમે તમને મહેન્દ્ર સિંહ ધોની અને રોહિત શર્મા વિશે એવા આંકડા જણાવીશું જેના વિશે તમે કદાચ જ જાણતા હશો. 

આમ તો રોહિત શર્માને આઈપીએલના ઈતિહાસમાં સૌથી સફળ કેપ્ટન કહેવામાં આવે છે કારણ કે તેમણે મુંબઈ ઈન્ડિયન્સને પોતાની કેપ્ટનસીમાં સૌથી વધારે 5 ટ્રોફી જીતાડી છે. ત્યાં જ ચેન્નાઈ સુપર કિંગ્સના કેપ્ટન ધોની આ મામલામાં 4 ટ્રોફીની સાથે બીજા નંબર પર આવે છે. 

કેપ્ટન તરીકે ધોનીએ જીતી છે સૌથી વધારે મેચ 
મહેન્દ્ર સિંહ ધોની IPLના પહેલા સીઝન એટલે કે 2008થી જ ચેન્નાઈ સુપર કિંગ્સની કેપ્ટન્સી સંભાળી રહ્યા છે. જ્યારે રોહિત શર્મા 2013માં મુંબઈ ઈન્ડિયન્સના કેપ્ટન બન્યા હતા. એવામાં ધોનીએ કેપ્ટન તરીકે IPLમાં રોહિત શર્માથી વધારે મેચ જીતી છે. 

ધોની કેપ્ટનના રૂપમાં અત્યાર સુધી કુલ 210 મેચ રમી ચુક્યા છે. જેમાં તેમણે 123 મેચોમાં જીત મેળવી છે અને 86 મેચ હારી છે. ત્યાં જ એક મેચનું પરિણામ ન આવ્યું. ધોની IPLમાં સૌથી વધારે મેચ રમનાર કેપ્ટન છે. ધોનીએ આ સમયે ચેન્નાઈ સુપર કિંગ્સ અને રાઈઝીંગ પુણે સુપરજોઈન્ટ્સ માટે રમી છે. 

આ ઉપરાંત રોહિત શર્મા અત્યાર સુધી આઈપીએલમાં કેપ્ટનના રૂપમાં કુલ 143 મેચ રમી ચુક્યા છે. જેમાં તેમણે 79 મેચ જીતી છે અને 60 મેચ હાર્યા છે. ત્યાં જ 4 મેચ ટાઈ રહી છે. રોહિત શર્મા IPLમાં સૌથી વધારે મેચ રમનાર બીજા કેપ્ટન છે. આ લિસ્ટમાં વિરાટ કોહલી ત્રીજા, ગૌતમ ગંભીર ચોથા અને એડમ ગિલક્રિસ્ટ પાંચમા નંબર પર આવે છે. 

100થી વધારે મેચ જીતનાર ધોની એકમાત્ર કેપ્ટન 
મહેન્દ્ર સિંહ ધોની આઈપીએલના ઈતિહાસમાં 100થી વધારે મેચ જીતનાર એકમાત્ર કેપ્ટન છે. અત્યાર સુધી કોઈ બીજો ખેલાડી નથી જે આ આંકડો પાર નથી કરી શક્યો. જણાવી દઈએ કે આ વખતે ધોની છેલ્લી વખત સીએસકેની કેપ્ટન્સી કરે. અટકળો છે કે આ તેમની છેલ્લી આઈપીએલ સીઝન હશે.