IPLIN
 

IPL 2023 / 'રાઉડી' રાયડુની કહાની: જેણે ગાંગુલીને ચોંકાવ્યા, ધોનીનો બન્યો ફેવરિટ, બે વખત રિટાયરમેન્ટ કર્યું કેન્સલ પણ હવે...

Team VTV 09:01 AM, 30 May 23
Follow us
IPL 2023 know who is ambati rayudu who announces retirement

IPL 2023 Ambati Rayudu: અંબાતી રાયડૂએ પહેલા બે વખત રિટાયરમેન્ટ પરત લઈ લીધુ હતું. હવે તેમણે કહ્યું- નો યૂ ટર્ન.

  • જાણો અંબાતી રાયડૂની કહાની 
  • જેણે ગાંગુલીને ચોંકાવ્યા હતા
  • પહેલા બે વખત કેન્સલ કર્યું હતું રિટાયરમેન્ટ 

તારીખ 14 મે 2022એ બપોરે 1 વાગ્યે અચાનક એક ટ્વીટ સોશિયલ મીડિયા પર વાયરલ થઈ રહ્યું હતું જેમાં ચેન્નાઈ સુપરકિંગ્સના સ્ટાર પ્લેયર અંબાતી રાયડૂએ પોતાના રિટાયરમેન્ટ વિશે લખ્યું હતું. તેમાં તેમણે જણાવ્યું હતું કે સીઝન પુરી થવાની સાથે જ તે રિટાયરમેન્ટ લઈ લેશે. પરંતુ થોડી મિનિટો બાદ જ તેમણે ટ્વીટને ડિલિટ કરી દીધુ હતું. CSKના CEO કાશી વિશ્વનાથે જણાવ્યું હતું કે રાયડૂએ પોતાના પ્રદર્શનથી નિરાશ થઈને ટ્વીટ કર્યું હતું પરંતુ તે સંન્યાસ નહીં લે. 

આ વખતે "નો યૂ ટર્ન"
જોકે આ પહેલી વખત ન હતું કે જ્યારે રાયડૂએ આ પ્રકારનો ચોંકાવનારો કોઈ નિર્ણય લીધો હોય. વર્લ્ડ કપ 2019 માટે સ્ક્વોડમાં ન પસંદ કર્યા બાદ તેમણે ક્રિકેટના દરેક ફોર્મેટથી રિટાયરમેન્ટ કરવાની જાહેરાત કરી હતી. પરંતુ અમુક જ દિવસો બાદ તે મેદાન પર પરત આવી ગયા અને ત્યારથી સતત IPL અને ડોમેસ્ટિક ક્રિકેટ રમી રહ્યા છે.

પરંતુ 28 મે 2023એ જ્યારે ચેન્નાઈની ટીમ ગુજારત સામે IPL ફાઈનલની તૈયારી કરી રહી હતી. ત્યારે જ મેચથી થોડા સમય પહેલા તેમણે એક વખત ફરી IPLથી રિટાયરમેન્ટની જાહેરાત કરી દીધી અને તેની સાથે તેમણે જે ટ્વીટ કર્યું તેમાં એવું પણ લખી નાખ્યું કે આ વખતે તે યૂટર્ન નહીં લે. 

 
 
 
 
 
 
 
 
 
 
 
 
 
 
 

A post shared by Ambati Rayudu (@a.t.rayudu)

ઈન્ટરનેશનલ ક્રિકેટમાં પણ શાનદાર પ્રદર્શન 
રાયડૂ કોઈ પણ ક્રિકેટ ફેન માટે નવું નામ નથી. ત્રણ વખત મુંબઈ અને બે વખત ચેન્નાઈની સાથે IPL ટ્રોફી જીતી ચુકેલા રાયડૂએ ઈન્ટરનેશનલ ક્રિકેટમાં પણ ખૂબ ધમાલ મચાવ્યો છે. પરંતુ રાયડૂનું બાળપણ કેવુ રહ્યું અને કે ક્રિકેટના આ સ્થાન પર કઈ રીતે પહોંચ્યા આવો જાણીએ. 

શું છે અંબાતી રાયડૂની સ્ટોરી 
અંબાતી રાયડૂનો જન્મ 23 સપ્ટેમ્બર 1985એ આંધ્ર પ્રદેશના ગંટૂર જિલ્લામાં થયો હતો. રાયડૂના પિતા સંબાશિવ રાવ રાજ્યના આર્કાઈવ ડિપાર્ટમેન્ટમાં કામ કરતા હતા. પરંતુ તે ક્રિકેટના મોટા ફેન હતા અને તે જ રાયડૂ માટે વરદાન સાબિત થયું. નાનપણથી જ તેમના પિતાએ તેમને બેટ પકડવાનું શિખવાડી દીધુ. 

રાયડૂના ટેલેન્ટને પોતાના પાપાએ ઓળખી લીધુ હતું અને તેને આગળ વધારવા માટે તેમણે તેને ફક્ત 7 વર્ષની ઉંમરમાં જ એડમિશન હૈદરાબાદના પૂર્વ ક્રિકેટર વિજય પોલની એકેડમીમાં કરાવ્યું હતું અને તેમણે રાયડૂને એક શાનદાર ક્રિકેટર બનાવવાનો સિલસિલો શરૂ કર્યો. સારા પ્રદર્શનના કારણે ગિલે હૈદરાબાદની અંડર-16 ટીમમાં જગ્યા બનાવી લીધી. જ્યાં તેમણે સારૂ પ્રદર્શન કર્યુ અને પછી તેમનું સિલેક્શન ઈન્ડિયા અંડર-15માં થઈ ગયું. 

ACC U-15માં ટોપ સ્કોરર 
વર્ષ 2000માં ACC U-15 ચેમ્પિયનશિપમાં તે ટોપ સ્કોરર રહ્યા. જેના બાદ વર્ષ 2002માં તે ફક્ત 16 વર્ષની ઉંમરમાં હૈદરાબાદની ફર્સ્ટ ક્લાસ ટીમમાં સિલેક્ટ થયા. બાદમાં ભારતના અંડર-17 ટીમના કેપ્ટન બન્યા. વર્ષ 2002માં ઈંગ્લેન્ડના વિરૂદ્ધ અંડર-19 મેચ વખતે તેમણે 169 બોલ પર 177 રનની શાનદાર ઈનિંગ રમી અને ત્યાર બાદથી જ તેમના નામની ચર્ચા બધી બાજુ થવા લાગી. 

ક્રિકેટ કમેન્ટેટર હર્ષા ભોગલે અનુસાર સૌરવ ગાંગુલીએ તેમની આ ઈનિંગને ખૂબ પસંદ કરી. તેમણે 2002-03 સીઝનમાં હૈદરાબાદની તરફથી રમતા આખી સીઝનમાં 69.80ની સરેરાશથી 698 રન બનાવ્યા. થોડા સમય બાદ તેમનો હૈદરાબાદના કોચની સાથે વિવાદ થઈ ગયો અને તે કારણે તેમણે આંધ્રાની રણજી ટીમની તરફથી રમવાનો નિર્ણય કર્યો. પરંતુ ત્યાર બાદ પણ તેઓ ઘણા વિવાદોમાં ફસાયા. 

13 વર્ષ લાગી ગયા 
લિસ્ટ અને ફર્સ્ટ ક્લાસમાં સતત રન બનાવવા છતાં રાયડૂને ઈન્ટરનેશનલ મેચ રમવામાં 13 વર્ષ લાગી ગયા. 24 જુલાઈ 2013એ હરારેમાં રાયડૂએ ઝિંબાબ્વેના વિરૂદ્ધ પોતાની ડેબ્યૂ મેચ રમી. પહેલી મેચમાં રાયડૂએ હાફ ઈનિંગ રમી. ત્યાર બાદથી તે ટીમની અંદર બહાર થતા રહ્યા. તેમણે વર્ષ 2015 માટે વર્લ્ડ કપ ટીમમાં પસંદ કરવામાં આવ્યા પરંતુ અહીં એક પણ મેચ રમવાનો મોકો ન મળ્યો.

 
 
 
 
 
 
 
 
 
 
 
 
 
 
 

A post shared by Ambati Rayudu (@a.t.rayudu)

જ્યારે વર્ષ 2019ના વર્લ્ડ કપમાં તેમને સ્ક્વોડમાં જગ્યા ન હતી આપવામાં આવી. તેનાથી નિરાશ થઈને તેમણે ક્રિકેટના દરેક ફોર્મેટથી સંન્યાસ લેવાની જાહેરાત કરી દીધી. જોકે ત્યાર બાદ તે ડોમેસ્ટિક કિક્રેટ અને IPL રમવા લાગ્યા.

IPL 2023 Ambati Rayudu અંબાતી રાયડૂ retirement
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ