IPLની પ્રથમ મેચ જીત્યા બાદ ગુજરાતના કેપ્ટન હાર્દિક પંડ્યાએ મોટી પ્રતિક્રિયા આપી, કહ્યું હું ખૂબ જ ખુશ છું પણ અમે સારી બેટિંગ કરી શક્યા નથી.
IPLની પ્રથમ મેચ ગુજરાત ટાઇટન્સે જીતી
જીત બાદ ગુજરાતના કેપ્ટન હાર્દિક પંડ્યાએ મોટી પ્રતિક્રિયા આપી
હાર્દિક પંડયાએ રાશિદ ખાનના ખૂબ વખાણ કર્યા
IPL 2023 ની પ્રથમ મેચમાં હાર્દિક પંડ્યાની આગેવાની હેઠળની ગુજરાત ટાઇટન્સે શાનદાર પ્રદર્શન કરીને મેચ જીતી હતી. 31 માર્ચે, ગુજરાતે અમદાવાદના નરેન્દ્ર મોદી ક્રિકેટ સ્ટેડિયમ ખાતે IPLની 16મી સિઝનની શરૂઆતની મેચ ચેન્નાઈ સુપર કિંગ્સ સામે રમી હતી. ટોસ હાર્યા બાદ પ્રથમ બેટિંગ કરતા CSKએ 7 વિકેટના નુકસાન પર 179 રનનો લક્ષ્યાંક આપ્યો હતો. જવાબમાં ગુજરાત ટાઈટન્સે 19.2 ઓવરમાં આ લક્ષ્યાંક હાંસલ કરી લીધો હતો. આ જીત બાદ ગુજરાતના કેપ્ટન હાર્દિક પંડ્યાએ મોટી પ્રતિક્રિયા આપી છે.
અમે સારી બેટિંગ કરી શક્યા નથી
જીત વિશે પ્રતિક્રિયા આપતા હાર્દિક પંડયાએ રાશિદ ખાનના ખૂબ વખાણ કર્યા. સાથે જ તેને એમ પણ કહ્યું હતું કે એક સમયે CSKની ટીમ 200થી ઉપરનો સ્કોર કરવા માંગતી હતી પણ બોલરોએ તેમને 178ના લક્ષ્ય સુધી રોકીને શાનદાર પ્રદર્શન કર્યું હતું.હાર્દિક પંડ્યાએ કહ્યું, “સ્વાભાવિક રીતે જીતથી હું ખૂબ જ ખુશ છું પણ અમે સારી બેટિંગ કરી શક્યા નથી. જો કે રાહુલ અને રાશિદે ખૂબ જ સારું પ્રદર્શન કર્યું. એક તબક્કે એવું લાગતું હતું કે csk 200થી બધુ રન કરશે પણ અમે તેને રોકી શક્યા. અમે બે વિકેટ સાથે મેચમાં વાપસી કરી. ઈમ્પેક્ટ પ્લેયરના નિયમો લાગુ થવાથી મારું કામ ખૂબ જ મુશ્કેલ થઈ ગયું છે કારણ કે અમારી પાસે ઘણા પ્લેયર છે.'
રાહુલ અને રાશિદે ટીમને જીત અપાવી
અમદાવાદમાં રમાયેલી IPL 2023ની પ્રથમ મેચમાં ગુજરાત ટાઇટન્સે ચેન્નાઇ સુપર કિંગ્સને 5 વિકેટે હરાવ્યું હતું. પ્રથમ બેટિંગ કરતા ચેન્નાઈએ 20 ઓવરમાં 7 વિકેટે 178/7 રન બનાવ્યા હતા, જેના જવાબમાં ગુજરાતે 19.2 ઓવરમાં પાંચ વિકેટ ગુમાવીને લક્ષ્યાંક હાંસલ કરી લીધો હતો. ચેન્નાઈ માટે ઋતુરાજ ગાયકવાડે જબરદસ્ત બેટિંગ કરી અને 50 બોલમાં 92 રન બનાવ્યા. તેની ઇનિંગમાં ચાર ચોગ્ગા અને નવ છગ્ગાનો સમાવેશ થાય છે. ગુજરાત ટાઇટન્સ તરફથી શુભમન ગિલે શાનદાર બેટિંગ કરી હતી અને 36 બોલમાં 63 રનની ઇનિંગ રમી હતી. આ પછી રાહુલ તેવટિયાએ 15 અને રાશિદ ખાને 10 રનની અણનમ ઇનિંગ રમીને પોતાની ટીમને જીત અપાવી હતી.