IPL 2023 / VIDEO : શું ખરેખર હાર્દિક પંડ્યાએ ધોનીને ઈગનોર કરીને કર્યું અપમાન? જાણો વાયરલ વીડિયોનું શું છે સત્ય

• ટ્રોલ થઈ રહ્યો છે હાર્દિક પંડયા
• ધોનીને છોડી દરેક વ્યક્તિ સાથે હાથ મિલાવીને અભિવાદન કર્યું
• વાયરલ થયો વીડિયો

ઇન્ડિયન પ્રીમિયર લીગ (IPL) ની 2023 સીઝનની પહેલી મેચ ગુજરાત ટાઇટન્સ અને ચેન્નાઇ સુપર કિંગ્સ વચ્ચે અમદાવાદના નરેન્દ્ર મોદી સ્ટેડિયમમાં રમવામાં આવી હતી. મેચ પહેલા જ ઓપનિંગ સેરેમની દરમિયાન ડિફેન્ડિંગ ચેમ્પિયન હાર્દિક પંડ્યા ટ્રોફી સાથે સ્ટેજ પર પહોંચ્યો હતો. હાલ તેનો એક વિડીયો ઘણો વાયરલ થઈ રહ્યો છે. 

ટ્રોલ થઈ રહ્યો છે હાર્દિક પંડયા
ઓપનિંગ સેરેમનીમાં સ્ટાર્સના પર્ફોમન્સ બાદ એમ એસ ધોની સ્ટેજ પર પંહોચ્યાં હતા અને એ બાદ હાર્દિક પંડયા ટ્રોફી લઈને સ્ટેજ પર પંહોચ્યાં હતા. ટ્રોફીને ચોક્કસ જગ્યાએ મૂક્યા બાદ પંડયાએ ત્યાં હાજર દરેક વ્યક્તિ સાથે હાથ મિલાવીને અભિવાદન કર્યું હતું પણ એ સમયે તેનાથી એક ભૂલ થઈ હતી જેના માટે તે હાલ ટ્રોલ થઈ રહ્યો છે.

same on u hardik pandya #ipol2023 pic.twitter.com/KjdXSW1zns

— Lokesh pandat (@LokeshS30714400) March 31, 2023

બસ ધોની સાથે જ નથી મિલાવતો હાથ 
સોશિયલ મીડિયા પર વાયરલ થયેલા વીડિયોમાં જોવા મળી રહ્યું છે કે હાર્દિક પંડ્યા સ્ટેજ પર પંહોચ્યાં બાદ ત્યાં ટ્રોફી રાખીને સીધો અરુણ ધૂમલ પાસે હાથ મિલાવવા પંહોચે છે. વિડીયોમાં જોવા મળે છે કે તેની પહેલા ધોની ઊભો છે, તેની સામે જુએ છે, ધોની પણ તેની સામે જુએ છે પણ હાથ લંબાવતો નથી કારણ કે હાર્દિક આગળ વધી રહ્યો હોય છે. આ પછી હાર્દિકે અનુક્રમે BCCI સેક્રેટરી જય શાહ, પ્રમુખ રોજર બિન્ની, અભિનેત્રી રશ્મિકા મંદન્ના, તમન્ના ભાટિયા અને સિંગર અરિજિત સિંહ સાથે હાથ મિલાવે છે. 

વાયરલ થયો વીડિયો
હાલ આ વિડીયો સોશિયલ મીડિયા પર ઘણો વાયરલ થઈ રહ્યો છે, હાર્દિકનું આવું વર્તન ચાહકોને તે થોડું વિચિત્ર લાગી રહ્યું છે, કારણ કે કેપ્ટન ધોની અને હાર્દિકને ખૂબ જ નજીક માનવામાં આવે છે. તો આવી ભૂલ કેવી રીતે થઈ?

જણાવી દઈએ કે IPL 2023ની પહેલી મેચ ચેન્નઈ સુપર કિંગ્સ અને ગુજરાત ટાઈટન્સ વચ્ચે રમવામાં આવી હતી. મહેન્દ્ર સિંહ ધોનીની કેપ્ટનશીપ હેઠળ ચેન્નઈ સુપર કિંગ્સની ગુજરાત ટાઈટન્સ સામે 5 વિકેટથી હાર થઈ હતી. CSKએ પહેલા બેટીંગ કરી હતી અને 20 ઓવરમાં 7 વિકેટે 178 રન કર્યા હતા. ગુજરાત ટાઈટન્સે 19.2 ઓવરમાં આ ટાર્ગેટ પૂર્ણ કરી લીધો હતો.