Video / IPL 2023 Final : ટિકિટ લેવા માટે મોટેરામાં પડાપડી, એક બીજા પર ચઢી ગયા ફેન્સ, વીડિયો વાયરલ થતાં વ્યવસ્થા પર ઉઠ્યા સવાલ

• છેલ્લી 2 મેચ અમદાવાદના નરેન્દ્ર મોદી ક્રિકેટ સ્ટેડિયમમાં રમાવવાની 
• આ મેચ પહેલા એક વીડિયો સામે આવ્યો છે
• આ વીડિયો 25 મે ગુરુવારનો કહેવામાં આવી રહ્યો છે

IPL 2023માં હવે માત્ર 2 મેચ બાકી છે અને બંને મેચો અમદાવાદના નરેન્દ્ર મોદી ક્રિકેટ સ્ટેડિયમમાં રમાવવાનીછે. આજે મુંબઈ ઈન્ડિયન્સ અને ગુજરાત ટાઈટન્સ વચ્ચે બીજી ક્વોલિફાયર મેચ રમાશે અને આઈપીએલની ફાઈનલ પણ આ જ ગ્રાઉન્ડમાં 28 મેના રોજ રમાશે. 

નોંધનીય છે કે ચેન્નાઈ સુપર કિંગ્સ પહેલા જ ફાઈનલમાં પહોંચી ગઈ છે અને બીજી ટીમ મુંબઈ અને ગુજરાત વચ્ચેના બીજા ક્વોલિફાયરના પરિણામ પરથી નક્કી થશે. એવેમાં આ લીગનો ક્રેઝ ચાહકોમાં જોરદાર ચાલી રહ્યો છે.આજે અમદાવાદના નરેન્દ્ર મોદી સ્ટેડિયમમાં ડિફેન્ડિંગ ચેમ્પિયન ગુજરાત ટાઇટન્સ અને મુંબઈ ઈન્ડિયન્સ વચ્ચે બીજી ક્વોલિફાયર મેચ રમાવાની છે અને આ મેચ પહેલા એક વીડિયો સામે આવ્યો છે જે જોઇને લોકો ચોંકી ગયા છે અને વિચારી રહ્યા છે કે મેચ જોવા માટે આટલો ક્રેઝ? 

જણાવી દઈએ કે આ વીડિયો 25 મે ગુરુવારનો કહેવામાં આવી રહ્યો છે, જ્યારે IPL ફાઈનલ અને ક્વોલિફાયર-2ની ટિકિટ માટે નરેન્દ્ર મોદી સ્ટેડિયમની બહાર ચાહકોની ભીડ એકઠી થઈ હતી.  ભીડ ઘણી વધી ગઈ અને તે પછી ફેન્સને હેન્ડલ કરવું મુશ્કેલ થઈ ગયું. આવી સ્થિતિમાં ક્રિકેટ પ્રેમીઓએ અમદાવાદના આ સ્ટેડિયમ પર ખરાબ મેનેજમેન્ટનો આરોપ લગાવ્યો છે. વિડિયો વાયરલ થયો છે જેમાં ચાહકો ટિકિટ લેવા માટે એકબીજા પર ચઢતા જોવા મળે છે. આ કારણે કેટલાક ચાહકો તો જમીન પર પડી ગયા હતા.

Total mismanagement in Ahmedabad for the tickets of IPL 2023 Qualifier 2 and the Final.

Fans surely deserve better than this. pic.twitter.com/1T86QjhbsI

— Mufaddal Vohra (@mufaddal_vohra) May 26, 2023

સ્થિતિ એટલી બેકાબૂ બની ગઈ હતી કે પોલીસને ચાર્જ લેવો પડ્યો હતો. જેમણે ક્વોલિફાયર-2 અને ફાઈનલ માટે ઓનલાઈન ટિકિટ બુક કરાવી હતી. તે પોતાની ટિકિટ લેવા સ્ટેડિયમ પહોંચ્યો હતો. થોડી જ વારમાં ભીડ એટલી વધી ગઈ કે નાસભાગ જેવી સ્થિતિ બની ગઈ. 

એવામાં હવે વિચારવાની વાત એ રહી કે વર્લ્ડ કપ મેચમાં શું હાલત થશે? આ ભીડનો વિડીયો BCCI માટે આ ખતરનાક સ્થિતિ દર્શાવી રહ્યો છે કારણ કે આ મેદાન પર વર્લ્ડકપની ફાઈનલ અને ભારત-પાકિસ્તાનની મેચ રમાવવાની છે.