IPL 2023 / દિલ્હી કેપિટલ્સને મળી ગયો નવો કેપ્ટન, પંતની ગેરહાજરીમાં આ ખેલાડીને સોંપાઈ ટીમની કમાન

• રિષભ પંત દિલ્હી કેપિટલ્સની કેપ્ટનશિપ નહીં કરે 
• પંતની ગેરહાજરીમાં ટીમની કમાન આ ખેલાડીને સોંપાઈ 
• પંત આ સિઝનમાં ભાગ લઈ શકશે નહીં

રિષભ પંતની ઈજા બાદ ચાહકોના મનમાં એક જ સવાલ હતો કે આખરે IPLમાં પંતની જગ્યાએ દિલ્હી કેપિટલ્સની કેપ્ટનશીપ કોણ કરશે. જો કે હવે ચાહકોને આ સવાલનો જવાબ મળી ગયો છે. આ આઈપીએલમાં રિષભ પંત દિલ્હી કેપિટલ્સની કેપ્ટનશિપ કરવા જઈ રહ્યો નથી અને દિલ્હી કેપિટલ્સે સતાવાર રીતે તેના નવા કેપ્ટનની જાહેરાત કરી છે. 

પંતની ગેરહાજરીમાં ટીમની કમાન આ ખેલાડીને સોંપાઈ 
દિલ્હી કેપિટલ્સે ઈન્ડિયન પ્રીમિયર લીગની 16મી સીઝનની શરૂઆત પહેલા એક મોટો નિર્ણય લીધો છે. રિષભ પંતની ગેરહાજરીમાં ટીમની કમાન ડેવિડ વોર્નરને સોંપવામાં આવી છે. આ સાથે સ્ટાર ઓલરાઉન્ડર અક્ષર પટેલની ટીમના વાઇસ કેપ્ટન તરીકે નિમણૂક કરવામાં આવી છે.જણાવી દઈએ કે  છેલ્લી 2 સિઝનથી દિલ્હી કેપિટલ્સની કમાન સંભાળી રહેલા પંત આ વખતે અકસ્માતમાં ઈજાના કારણે ટૂર્નામેન્ટનો ભાગ બની શકશે નહીં.

David Warner 👉🏼 (𝗖)
Axar Patel 👉🏼 (𝗩𝗖)

All set to roar loud this #IPL2023 under the leadership of these two dynamic southpaws 🐯#YehHaiNayiDilli | @davidwarner31 @akshar2026 pic.twitter.com/5VfgyefjdH

— Delhi Capitals (@DelhiCapitals) March 16, 2023

પંત આ સિઝનમાં ભાગ લઈ શકશે નહીં
ટીમના કોચ રિકી પોન્ટિંગ અને ટીમ મેનેજમેન્ટે આખરે આ સિઝન માટે પંતની જગ્યાએ વોર્નરને દિલ્હી કેપિટલ્સની કેપ્ટન્સી સોંપી દીધી છે.  પંત એક કાર અકસ્માતમાં ઘાયલ થયો હતો, જેના કારણે તેણે ક્રિકેટથી દૂર રહેવું પડ્યું હતું. પંત ઈજાના કારણે આઈપીએલની આ સિઝનમાં ભાગ લઈ શકશે નહીં. 

પંત દિલ્હી માટે એક ઉત્તમ કેપ્ટન છે
જો કે છેલ્લા ઘણા દિવસોથી ડેવિડ વોર્નરના કેપ્ટન બનવાની અટકળો ચાલી રહી હતી અને ટીમ ડાયરેક્ટર સૌરવ ગાંગુલીએ પણ વોર્નરને કેપ્ટન બનાવવાનો સંકેત આપ્યો હતો. દિલ્હી કેપિટલ્સની કેપ્ટનશિપ મેળવ્યા બાદ વોર્નરે કહ્યું, "પંત દિલ્હી માટે એક ઉત્તમ કેપ્ટન છે. અમે પંતના યોગદાનને યાદ કરશું. મારામાં વિશ્વાસ દર્શાવવા બદલ હું મેનેજમેન્ટનો આભારી છું. ''