IPL 2023 / IPLની ટ્રોફી સાથે CSKએ મંદિરમાં કરાવી વિશેષ પૂજા, શ્રીનિવાસને કહ્યું-ધોની જ કરી શકે છે આવા ચમત્કાર

• CSK બની IPL 2023 ચેમ્પિયન 
• GTને છેલ્લા બોલ પર ફાઈનલમાં હરાવ્યું 
• ટ્રોફીની સાથે CSKએ કરી સ્પેશિયલ પૂજા 

ભારતીય ક્રિકેટ બોર્ડના પૂર્વ અધ્યક્ષ અને ચેન્નાઈ સુપર કિંગ્સની માલિક ઈન્ડિયા સીમેન્ટ્સના ઉપાધ્યક્ષ એન શ્રીનિવાસને ગુજરાત ટાઈટન્સની સામે આઈપીએલ 2023 ફાઈનલમાં છેલ્લા બોલ પર પોતાની ટીમની રોમાંચક જીતને 'ચમત્કાર' જણાવ્યો. તેમણે કહ્યું કે દિગ્ગજ મહેન્દ્ર સિંહ ધોનીની આગેવાનીમાં જ કંઈ પણ થઈ શકે છે. 

શ્રીનિવાસને આપી શુભકામનાઓ 
શ્રીનિવાસે મંગળવારે સવારે સુપર કિંગ્સના કેપ્ટન ધોની સાથે વાત કરી અને આ શાનદાર જીત માટે તેમણે અને તેમની ટીમને શુભકામનાઓ આપી. ધોનીએ શ્રીનિવાસનના સંદેશને ખાસ કરીને પીટીઆઈની સાથે શેર કર્યો હતો. શ્રીનિવાસને ધોનીને કહ્યું, "શાનદાર કેપ્ટન, તમે ચમત્કાર કરી દીધો. તમે જ આમ કરી શકો છો. અમને ખેલાડીઓ અને ટીમ પર ગર્વ છે."

Special Pooja for IPL Trophy by Chennai Super Kings in Thiyagaraya Nagar Thirupati Temple. pic.twitter.com/Fmqdn3wiCq

— Johns. (@CricCrazyJohns) May 30, 2023

ધોનીને આપી આરામ કરવાની સલાહ 
તેમણે છેલ્લા થોડા દિવસોમાં સતત મેચ રમી રહેલા ધોનીને આરામ કરવાની સલાહ આપી અને જીતનું સેલિબ્રેશન કરવા માટે ટીમની સાથે ચેન્નાઈ આવવાનું આમંત્રણ આપ્યું. શ્રીનિવાસને કહ્યું, "આ સીઝન એવી રહી છે જ્યાં ચાહકોએ બતાવ્યું છે કે તે મહેન્દ્ર સિંહ ધોનીને કેટલો પ્રેમ કરે છે. અમે પણ કરીએ છીએ."