ઈન્ડિયન પ્રીમિયર લીગમાં પ્રદર્શનના કારણે વેન્કટેશ ઐયરે આંતરરાષ્ટ્રીય ક્રિકેટમાં સ્થાન મેળવ્યું. તે એવા 4 ખેલાડીઓમાં સામેલ હતા. જેને કોલકત્તા નાઈટ રાઈડર્સની ટીમે રિટેન કર્યો હતો. વેન્કટેશ ઐયરના બધા પ્રશંસકો જાણે છે કે ક્રિકેટ બાદ ઐયરને સૌથી વધુ જે રમત પસંદ છે, તે ડબ્લ્યુ ડબ્લ્યુ ઈ છે.
વેન્કટેશ ઐયરે આંતરરાષ્ટ્રીય ક્રિકેટમાં સ્થાન મેળવ્યું
ખેલના સુપરસ્ટાર રોલિન્સે ખેલાડી માટે સ્પેશિયલ મેસેજ મોકલ્યો
વેન્કટેશ ઐયરને પસંદ છે Seth Rollins
તેઓ અંડરટેકરના મોટા ચાહક છે, પરંતુ વર્તમાન ખેલાડીઓમાં તેમને સેથ રોલિન્સ પસંદ છે. WWE Indiaના એક કાર્યક્રમમાં જ્યારે તેમણે આ વાતને જણાવી તો ખેલના સુપરસ્ટાર રોલિન્સે ખેલાડી માટે એક સ્પેશિયલ મેસેજ મોકલ્યો. કોલકત્તા નાઈટ રાઈડર્સના ખેલાડી વેન્કટેશ ઐયરે WWE Indiaને આપેલા ઈન્ટરવ્યુમાં સેન્થ રોલિન્સના વખાણ કરતા કહ્યું, તેમને તેમના બધા કેરેક્ટર પસંદ છે. વેન્કટેશે જણાવ્યું કે તેઓ હજી પણ WWE જોવે છે અને તેના પ્રત્યે ઝૂનુન ઓછુ નહીં થાય.
વેન્કટેશ ઐયર માટે સેથ રોલિન્સે તેના થીમ ગીતની લાઈન કહી
રોલિન્સે વીડિયો સંદેશના માધ્યમથી આગામી આઈપીએલને લઇને વેન્કટેશ ઐયરને શુભેચ્છાઓ આપી. રોલિન્સે કહ્યું, મને સાંભળીને ખૂબ સારું લાગ્યુ કે વેન્કટેશ ઐયર મને પસંદ કરે છે, અને મારા મોટા પ્રશંસક છે. આ મારું સૌભાગ્ય છે અને આ મને વધુ સારું કરવા માટે પ્રેરિત કરશે. ઈન્ડિયન પ્રીમિયર લીગ આવી રહી છે. જેના માટે તમને મારા તરફથી શુભેચ્છા. જાઓ અને કપ જીતો. તેમણે વેન્કટેશ ઐયર માટે તેના થીમ ગીતની લાઇન પણ કહી. તેમણે કહ્યું, બર્ન ઈટ ડાઉન.