વિરાટ કોહલીનું ફોર્મ અત્યારે બેશક ખરાબ ચાલી રહ્યું છે અને તેઓ મોટો સ્કોર ઉભો કરવામાં નિષ્ફળ નિવડી રહ્યાં છે. પરંતુ તેમ છતા તેઓ આઈપીએલમાં એક મોટો રેકોર્ડ પોતાના નામે કરવામાં સફળ રહ્યાં.
વિરાટ કોહલીએ આઈપીએલમાં મોટો રેકોર્ડ પોતાના નામે કર્યો
કોહલીએ પંજાબ કિંગ્સ સામે 20 રનની ઈનિંગ રમી
આઈપીએલમાં 6500 રન બનાવનારો પ્રથમ બેટર બની ગયો
વિરાટ કોહલીએ 220મી મેચમાં આ સફળતા પ્રાપ્ત કરી
આઈપીએલ 2022ની 60મી મેચમાં વિરાટ કોહલીએ પંજાબ કિંગ્સ સામે 20 રનની ઈનિંગ રમી અને આઈપીએલમાં 6500 રન બનાવનારો પ્રથમ બેટર બની ગયો. કોહલીએ આ લીગમાં આ સિદ્ધી પહોંચીને ઈતિહાસ રચી દીધો. વિરાટ કોહલીએ તેની 220મી મેચમાં આ સફળતા પ્રાપ્ત કરી છે. વિરાટ કોહલી વર્ષ 2010 બાદ આઈપીએલની દરેક સિઝનમાં 300થી વધુ રન બનાવ્યાં છે, જેમાં ત્રણ વખત તેમણે 500થી વધુ રન બનાવ્યાં. તો વર્ષ 2016માં તેમણે રેકોર્ડબ્રેક 973 રન બનાવ્યાં હતા અને આ સિઝનમાં ચાર સદી ફટકારી હતી.
વિરાટ કોહલી સૌથી વધુ રન બનાવનાર બેટર
આ સિઝનમાં આરસીબી પહેલી વખત આઈપીએલની ફાઈનલમાં પહોંચી હતી. આઈપીએલમાં અત્યારે વિરાટ કોહલી સૌથી વધુ રન બનાવનારા બેટર છે, તો શિખર ધવન આ લીગમાં 6000 રનનો આંકડો પાર કરનારા કોહલી બાદ બીજા બેટર છે. ધવનના નામે આઈપીએલમાં અત્યાર સુધી કુલ 6186 રન નોંધાયેલા છે અને તેઓ આ લીગમાં સૌથી વધુ રન બનાવવા મામલે બીજા નંબરે ઉપસ્થિત છે. વિરાટ કોહલીએ આઈપીએલમાં અત્યાર સુધી 220 મેચની 212 ઈનિંગમાં 36.21ની સરેરાશથી 6519 રન બનાવ્યાં છે. આ મેચમાં તેમણે 5 સદી અને 43 અર્ધસદી ફટકારી છે, જ્યારે તેનો સ્ટ્રાઈક રેટ 129.26નો રહ્યો છે.