IPL 2022 / VIDEO: ધોનીની સામે ચાલાકી કરવી કોહલીને પડી ભારે, પવનની ઝડપે મેક્સવેલને કર્યો રન આઉટ

• કોહલીને ધોનીની સામે ચાલાકી કરવી ભારે પડી
• કોહલીના કોલ પર મેક્સવેલ તિવ્ર ગતિથી દોડ્યા
• મેક્સવેલ આઉટ થતા કોહલી ફરીથી વધુ નિરાશ જોવા મળ્યાં

વિરાટ કોહલીએ હળવેકથી રન લેવાનો પ્રયાસ કર્યો, પણ મેક્સવેલ આઉટ

ચેન્નઈ સામેની મેચમાં બેંગ્લોરે મેક્સવેલને અગ્રતા ક્રમની બેટીંગ ક્રમમાં મોકલ્યો હતો. જો કે, તેઓ ખાસ કશું કરી શક્યા નથી અને રનઆઉટ થયા છે. ખરેખર 9મી ઓવરના છેલ્લા બોલમાં વિરાટ કોહલીએ કવર કર્યુ અને હળવેકથી રમીને રન લેવાનો પ્રયાસ કર્યો હતો. કોહલીની કોલ પર મેક્સવેલ તિવ્ર ગતિથી દોડ્યા. પરંતુ ત્યારે ઉથપ્પાએ ધોનીને બોલ આપ્યો અને બોલ ધોની પાસે પહોંચી ગયો. ત્યારબાદ ધોનીએ તરત બોલ્ડ કરી દીધો. જો કે, મેક્સવેલ આઉટ થયા બાદ વિરાટ કોહલી ફરીથી વધુ નિરાશ જોવા મળ્યાં. કારણકે આ તેમનો જ  કોલ હતો. કોહલી આ સિઝનમાં 4 વખત રન આઉટ મામલે સામેલ થયા છે. જેમાં તેઓ બે વખત તો જાતે રન આઉટ થયા છે. 

WATCH - Out in a flash: Uthappa & MS Dhoni combine to run-out Maxwell!

📽️📽️https://t.co/jXuQx6ON4p #TATAIPL #RCBvCSK

— IndianPremierLeague (@IPL) May 4, 2022

બેંગ્લોરે બનાવ્યો સન્માનજનક સ્કોર

મહિપાલ લમરોર અને કેપ્ટન ફાફ ડુ પ્લેસિસની શાનદાર બેટિંગના કારણે મહારાષ્ટ્ર ક્રિકેટ એસોસિએશન સ્ટેડિયમમાં આઈપીએલ 2022ની મેચમાં રોયલ ચેલેન્જર્સ બેંગ્લોરે ચેન્નઈ સુપર કિંગ્સને 174 રનનો લક્ષ્યાંક આપ્યો. બેંગ્લોરે 20 ઓવરમાં આઠ વિકેટ ગુમાવીને 173 રન બનાવ્યાં. ચેન્નઈ તરફથી મહેશ થીક્ષાનાએ ત્રણ વિકેટ લીધી. તો મોઈન અલીએ બે વિકેટ લીધી. જ્યારે ડ્વેન પ્રિટોરિયસે એક વિકેટ લીધી.