ઇન્ડિયન પ્રીમિયમ લીગ(IPL) 2022માં રવિવારે રમાયેલા બીજા મુકાલબામાં પણ જબરદસ્ત જંગ જોવા મળ્યો.
6 કરોડમાં વેચાયેલા સ્મિથે એકલા દમે પલટી નાખી મેચ
205 રન બનાવીને પણ હારી RCB
પંજાબે 6 બોલ બાકી રહેતા બેંગલુરૂને આપી માત
એકતરફી બેંગલુરૂ તરફ જઇ રહેલી મેચમાં પંજાબ કિંગ્સે છેલ્લે છેલ્લે ધમાલ મચાવી દીધી અને જીત મેળવી લીધી. પંજાબ કિંગ્સ તરફથી ઓડિએન સ્મિથ અને શાહરૂખ ખાનની જોડીએ બેંગલુરુના હાથમાંથી બાજી છીનવી લીધી. પંજાબ કિંગ્સે રોયલ ચેલેન્જર્સ બેંગલુરૂને 5 વિકેટથી હરાવ્યું. પહેલા બેટિંગ કરતા બેંગલુરૂએ 2 વિકેટ પર 205 રન બનાવ્યા હતા.
પંજાબ કિંગ્સને છેલ્લી પાંચ ઓવરમાં 50 રનોની જરૂરિયાત હતી. જ્યારબાદ ઓડિએન સ્મિથ અને શાહરૂખ ખાને ધડાધડ બેટિંગ કરીને કમાલ કરી દીધો. ઓડિએન સ્મિથે માત્ર 8 બોલમાં 25 રન ફટકાર્યા. આ દરમિયાન તેમણે એક ફોર લગાવી અને ત્રણ સિક્સ ફટકારી.