Rajat Patidarએ IPL 2022 Eliminatorમાં લખનૌઉ સુપરજાયન્ટ્સ વિરૂદ્ધ સેન્ચુરી લગાવી હતી. 112 રન કરી આરસીબીને ક્વોલિફાયરમાં જગ્યા અપાવી.
12 મું પાસ છે IPLનો હીરો રજત પાટીદાર
લખનૌઉ સુપરજાયન્ટ્સ વિરૂદ્ધ લગાવી સેન્ચુરી
આખું ભારત બની ગયું ફેન
ફક્ત 54 બોલમાં 12 ચોક્કા અને સાત છગ્ગાની સાથે 112 રન, ઈન્ડિયન પ્રીમિયર લીગના એલિમિનેટર મુકાબલામાં પોતાની આ શાનદાર ઈનિંગથી રોયલ ચેલેન્જર્સ બેંગ્લોરને લખનૈઉ સુપર જાયન્ટ્સ વિરૂદ્ધ જીત અપાવનાર ધાકડ બેટર રજત પાટીદાર ચર્ચામાં છે. તેના ઈંદૌર નિવાસી પરિવારનું કહેવું છે કે 28 વર્ષના ક્રિકેટરની આ સફળતાનો પાયો અને રમત પ્રત્યે બાળપણથી સમર્પણ અને અનુશાસન છે.
સેન્ચુરી કરીને બધાને ચોંકાવી દીધા
રજતના પિતા મનોહર પાટીદાર મધ્યપ્રદેશની આર્થિક રાજધાની કહેવાતા શહેરના વ્યસ્ત મહારાની રોડ બજારમાં મોટરપંપનો ધંધો કરે છે. તેમણે ગુરૂવારે 'પીટીઆઈ-ભાષા'ને જણાવ્યું છે. તેમને આશા હતી કે રજત આઈપીએલમાં 50 રન તો બનાવી લેશે. પરંતુ સેન્ચુરી મારીને તેણે બધાને ચોંકાવી દીધા હતા.
ઓક્શનમાં કોઈએ લીધો નહોતો
જણાવી દઈએ કે આઈપીએલ મેગા ઓક્શનમાં કોઈએ રજત પર બોલી ન હતી લગાવી તેઓ વૈકલ્પિક ખેલાડીના રૂપમાં આરસીબીનો ભાગ બન્યા હતા અને બુધવારે રાત્રની ઈનિંગે તેની કિસ્મત બનાવી દીધી હતી.
8 વર્ષની ઉંમરમાં ક્રિકેટ રમવાનું શરૂ કર્યું
મધ્ય પ્રદેશના લેફ્ટ હેન્ડ બેસ્ટમેનના પિતાએ જણાવ્યા અનુસાર તેમના પરિવારનો ક્રિકેટ સાથે લગાવ રજતના કારણે જ બન્યો છે. પાટીદારનું કહેવું છે કે, "રજત બાળપણથી જ ક્રિકેટનો શોખીન હતો અને રકત પ્રત્યે તેની લગાવ જોઈને તેને પ્રોત્સાહિત કર્યો" તેમણે જણાવ્યું કે રજત ફક્ત આઠ વર્ષની ઉંમરમાં ઈંદૌરના એક ક્રિકેટ ક્લબ સાથે જોડાયો હતો અને 10 વર્ષનો થતા થતા પોતાની ઉંમરથી મોટા યુવકો સાથે મેચ રમતો હતો.
12 પાસ છે રજત પાટીદાર
પાટીદારે જણાવ્યું કે ક્રિકેટની વ્યસ્તતાઓના કારણે રજત ફક્ત 12માં ધોરણ સુધી જ અભ્યાસ કરી શક્યો. તેણે જણાવ્યું કે, "મેં રજનું એડમિશન એક સ્થાનિક કોલેજમાં કર્યું છે પરંતુ પરીક્ષાઓ વખતે તે બીજા શહેરમાં રણજી ટ્રોફી ટૂર્નામેન્ટ અન્ય મહત્વપૂર્ણ ટૂર્નામેન્ટ હોવાના કારણે તે પરીક્ષા નથી આપી શક્યો. તેના પ્રદર્શનના કારણે અમે તેના કોલેજના અભ્યાસમાં વધારે ભાર નથી આપ્યો."