IPLની 15મી સિઝનમાં 44 મેચ થયા બાદ હવે પ્લેઑફની તસ્વીર સ્પષ્ટ
ગુજરાતની ટીમ આઈપીએલ પોઈન્ટ ટેબલમાં સૌથી ઉપર
ગુજરાતની ટીમ આઈપીએલ પોઈન્ટ ટેબલમાં સર્વોચ્ચ છે. જ્યારે મુંબઈ સૌથી નિચલા ક્રમાંકે છે. આઈપીએલની 15મી સિઝનમાં 44 મેચ થયા બાદ હવે પ્લેઑફની તસ્વીર સ્પષ્ટ થઇ રહી છે. ગુજરાત ટાઈટન્સ 16 પોઈન્ટની સાથે સૌથી ઉપર છે. હજી આ ટીમે પાંચ મેચ વધુ રમવાની છે. વધુ એક જીતની સાથે પ્લેઑફમાં તેની જગ્યા લગભગ પાક્કી થઇ જશે. તો બીજા નંબરે રાજસ્થાન રૉયલ્સ અને ત્રીજા નંબરે લખનઉ સુપર જાયન્ટ્સની ટીમ યથાવત છે. બંને ટીમોના 12-12 પોઈન્ટ છે.
જૉસ બટલરનો ધમાકેદાર અંદાજ યથાવત
રાજસ્થાન રૉયલ્સના આક્રમક બેટ્સમેન જૉસ બટલરનો કહેર યથાવત છે. મુંબઈ ઈન્ડિયન્સની સામે ભલે તેની ટીમે હારનો સામનો કરવો પડ્યો. પરંતુ બટલર અર્ધસદી ફટકારવામાં સફળ રહ્યાં. જોસ બટલર 9 મેચમાં 566 રન બનાવી ચૂક્યા છે. મુંબઈની સામે તેમણે 67 રનની વિસ્ફોટક ઈનિંગ રમી.
પર્પલ કેપ પર પણ રાજસ્થાનના ચહલનુ વર્ચસ્વ
યુઝવેન્દ્ર ચહલે મુંબઈની સામે એક વિકેટ લીધી. જો કે, તે પોતાની ટીમને જીત અપાવવામાં નિષ્ફળ રહ્યાં. તે 9 મેચમાં અત્યાર સુધી 19 વિકેટ લઇ ચૂક્યા છે. તો બીજા નંબરે દિલ્હી કેપિટલ્સના કુલદીપ યાદવ છે, જેણે 8 મેચમાં 17 વિકેટ લીધી છે. સનરાઈઝર્સ હૈદ્રાબાદની નવી સનસની ઉમરાન મલિક 8 મેચમાં 15 વિકેટ લઇ ચૂક્યા છે.