IPL 2022 / આવવા દે! IPLના પોઈન્ટ ટેબલમાં ગુજરાતનો દબદબો, જુઓ કયા નંબરે પહોંચી ગઈ ટીમ

• IPLની 16મી મેચમાં ગુજરાત ટાઈટન્સનો ભવ્ય વિજય
• ગુજરાતે આઈપીએલ 2022ની ત્રીજી જીત પ્રાપ્ત કરી
• પોઈન્ટ્સ ટેબલમાં ગુજરાતે છીનવ્યું બીજુ સ્થાન 

ગુજરાત ટાઈટન્સની ત્રીજી જીત

તો ગુજરાત તરફથી હાર મળ્યાં બાદ પંજાબ કિંગ્સને પોતાની આઈપીએલ 2022ની બીજી હારનો સામનો કરવો પડ્યો. તો આવો આ આર્ટીકલ દ્વારા જાણીએ કે આઈપીએલ 2022 પોઈન્ટ્સ ટેબલમાં આ હાર જીતની અને બીજી ટીમો પર શું અસર પડી. ટૉસ હારીને પ્રથમ બેટિંગ કરી પંજાબ કિંગ્સે ગુજરાત ટાઈટન્સને 9 વિકેટના નુકસાને 190નો ટાર્ગેટ આપ્યો. પંજાબની શરૂઆત ખૂબ જ બેકાર રહી છે. બીજી તરફ શુભમન ગિલે ગુજરાત ટાઈટન્સને ખૂબ જ શાનદાર શરૂઆત અપાવી. તેમણે 59 બોલમાં 96 રન બનાવ્યાં. ગિલ સિવાય રાહુલ તેવતિયાની પણ ટીમને જીતાડવામાં મહત્વનું યોગદાન રહ્યું છે. રાહુલે ગુજરાતની અંતિમ ઓવરમાં મેચને સંપૂર્ણ રીતે પલટી નાખી. 

 

 

 

 

View this post on Instagram

 

 

 

 

 

 

 

 

 

 

 

A post shared by Gujarat Titans (@gujarat_titans)

IPL 2022 Points Tableમાં ગુજરાતે છીનવ્યું બીજુ સ્થાન 

જે રીતે ગુજરાતે પંજાબ તરફથી આપવામાં આવેલા લક્ષ્યને 6 વિકેટની સાથે પૂર્ણ કર્યુ. આ ગુજરાત ટાઈટન્સની આઈપીએલ 2022માં સતત ત્રીજી જીત છે. ગુજરાત ટાઈટન્સ અત્યાર સુધી એક પણ મુકાબલો હારી નથી. જો પંજાબ કિંગ્સની વાત કરીએ તો પંજાબે આઈપીએલ 2022ની કુલ ચાર મેચ રમી છે, જેમાંથી ટીમે બે મેચ જીતી છે અને બેમાં હારનો સામનો કરવો પડ્યો છે. જો ગુજરાત ટાઈટન્સ અને પંજાબ કિંગ્સની હાર-જીત બાદ આઈપીએલ 2022 પોઈન્ટ્સ ટેબલની વાત કરીએ તો ગુજરાત જીતવાથી લખનઉ સુપર જાયન્ટ્સ અને રાજસ્થાન રૉયલ્સને ઝાટકો લાગ્યો છે, તો પંજાબ કિંગ્સની હારથી રોયલ્સ ચેલેન્જર્સ બેંગ્લોરને ફાયદો થયો છે. ખરેખર, ગુજરાતની જીત પહેલા આઈપીએલ 2022 પોઈન્ટ્સ ટેબલમાં લખનઉ સુપર જાયન્ટ્સ અને રાજસ્થાન રૉયલ્સ અનુક્રમે બીજા અને ત્રીજા સ્થાન પર હતી. પરંતુ હવે લખનઉ અને રાજસ્થાનનુ સ્થાન એક-એક નંબર નીચે આવી ગયુ છે. હવે લખનઉ ત્રીજા નંબરે અને રાજસ્થાન ચોથા નંબરે છે.