ઈન્ડિયન પ્રીમિયર લીગની 15મી સિઝનમાં મુંબઈ ઈન્ડિયન્સે આ વખતે ખૂબ નિરાશાજનક પર્ફોમન્સ આપ્યું અને પૉઈન્ટ્સ ટેબલમાં છેલ્લા ક્રમે રહીને પોતાના અભિયાનને ખત્મ કર્યુ. આઈપીએલ 2022નો સફર સમાપ્ત થયા બાદ મુંબઈ ઈન્ડિયન્સના કેપ્ટન રોહિત શર્મા અત્યારે તેના પરિવારની સાથે રજા માણી રહ્યાં છે.
રોહિત શર્મા પરિવાર સાથે માણી રહ્યાં છે રજા
ઈન્સ્ટાગ્રામ પર પોતાની અમુક તસ્વીરો શેર કરી
રિતિકા સજદેહની સાથે દરિયા કિનારે રોમેન્ટિક પોઝ આપ્યાં
રોહિત શર્મા પરિવાર સાથે માણી રહ્યાં છે રજા
મંગળવારે રોહિત શર્માએ ઈન્સ્ટાગ્રામ પર તેની અમુક તસ્વીરો શેર કરી, જેમાં તે પોતાની પત્ની રિતિકા સજદેહ અને પુત્રી સમાયરાની સાથે માલદીપમાં રજા માણી રહ્યાં છે. સેલિબ્રિટીઓ માટે માલદીવ એક હૉટ ડેસ્ટિનેશન પોઈન્ટ છે, જ્યાં ઘણા સારા સેલિબ્રિટીઓ પોતાના પરિવારની સાથે રજા માણી રહ્યાં છે. કઈક આ રીતે ભારતીય ક્રિકેટ ટીમ અને મુંબઈ ઈન્ડિયન્સના કેપ્ટન રોહિત શર્મા પણ તેના પરિવારની સાથે માલદીવ રજા મનાવવા માટે ગયા હતા. મંગળવારે તેમણે ઈન્સ્ટાગ્રામ પર પોતાની અમુક તસ્વીરો શેર કરી. જેમાં તેઓ રિતિકા સજદેહની સાથે દરિયા કિનારે રોમેન્ટિક પોઝ આપી રહ્યાં છે. તસ્વીર શેર કરી તેમણે લખ્યું આગામી થોડા દિવસ માટે મારે બસ આટલુ જ જોઈએ. આ તસ્વીરમાં રિતિકાએ રોહિતના ખભા પર માથુ રાખ્યું છે. તો રોહિત પણ તેમને ખૂબ પ્રેમથી જોઇ રહ્યાં છે.
આ સાથે રોહિતે પોતાની પુત્રી સાથે ઈન્સ્ટા સ્ટોરી પર એક તસ્વીર શેર કરી અને લખ્યું 'સ્વર્ગ' આ તસ્વીરમાં રોહિત પોતાની પુત્રીને દરિયાનો સુંદર નજારો બતાવી રહ્યાં છે. આ સાથે રિતિકાએ પણ તેની ઈન્સ્ટા સ્ટોરી પર પુત્રી સમાયરાની સારી તસ્વીર શેર કરી જેમાં સમાયરા ડ્રોઈંગ કરી રહી છે. રોહિત અને તેના પરિવારની તસ્વીર સોશિયલ મીડિયામાં ઝડપથી વાયરલ થઇ રહી છે અને અત્યાર સુધી 10 લાખથી વધુ લોકો તેને લાઈક કરી ચૂક્યા છે. તો પ્રશંસકો તેમને આગામી ક્રિકેટ સીરીઝ માટે કમર કસવાની વાત કહી રહ્યાં છે. તો અમુક લોકો રિતિકા અને રોહિતને લાંબા સમય બાદ એકસાથે જોઇને ખુશ જોવા મળી રહ્યાં છે અને તેમને બેસ્ટ કપલ કહી રહ્યાં છે.