ક્રિકેટ / IPLના મેગા ઓક્શન પહેલા ખેલાડીઓની બેઝ પ્રાઈઝ સામે આવી, આટલા ખેલાડીઓની પ્રાઈઝ છે કરોડો રૂપિયા

ઈંડિયન પ્રીમિયર લીગના મેગા ઓક્શન માટે તમામ ખેલાડીઓની યાદી જાહેર કરવામાં આવી છે. આ વખતે 590 ખેલાડીઓની બોલી લાગશે. જેમાં કેટલાય વિદેશી અને દેશી ખેલાડીઓ પણ શામેલ છે. જો આપણે ભારતીય ટીમના મોટા ખેલાડીઓની વાત કરીએ તો, તેમાં આ વખતે કેટલાય મોટા નામ ઓક્શનનો ભાગ બનવા જઈ રહ્યા છે. 

તેમાં રવિચંદ્રન અશ્ચિન, ચેતેશ્વર પુજારા, શિખર ધવન સહિત કેટલાય ખેલાડીઓ છે. તેમાં ચેતેશ્વર પૂજારાની બેસ પ્રાઈઝ 50 લાખ, તો અશ્વિનની બેસ પ્રાઈસ 2 કરોડ રૂપિયા છે. ટીમ ઈંડિયાના આવા મોટા સ્ટાર કોણ છે, જે ઓક્સનમાં ભાગ લઈ રહ્યા છે અને કોની કેટલી બેસ પ્રાઈઝ છે. તો એક નજર નાખીએ.

• ચેતેશ્વર પૂજારા- 50 લાખ
• હનુમા વિહારી- 50 લાખ
• આંજિક્ય રહાણે- 1 કરોડ
• કુલદીપ યાદવ- 1 કરોડ
• ઈંશાત શર્મા- 1.5 કરોડ
• વોશિંગ્ટન સુંદર- 1.5 કરોડ
• રવિચંદ્રન અશ્ચિન- 2 કરોડ
• શિખર ધવન- 2 કરોડ
• શ્રેયસ અય્યર - 2 કરોડ
• મોહમ્મદ શમી- 2 કરોડ
• ઉમેશ યાદવ - 2 કરોડ
• ઈશાન કિશન- 2 કરોડ
• યુઝવેન્દ્ર ચહલ- 2 કરોડ

આમાંથી એવા કેટલાય ખેલાડી છે, જે આ વખતે ફક્ટ ટેસ્ટ ટીમનો જ ભાગ છે. તેમાં ચેતેશ્વર પૂજારા, હનુમા વિહારી, આજંકિય્ રહાણે, ઈશાંત શર્મા, ઉમેશ યાદવનું નામ શામેલ છે. ત્યારે આવા સમયે ટી 20ના મહાસાગરમાં કઈ ટીમ આમના પર દાવ લગાવે છે, તે જોવાનું રહેશે.

આ મોટા સ્ટાર્સ પહેલાથી જ થઈ ગયા છે રિટેન

આપને જણાવી દઈએ કે, હાલની ટીમ ઈંડિયાના કોર ગ્રુપનો ભાગ રહેલા કેટલાય એવા ખેલાડી છે. જેમને ટીમે રિટેન કર્યા છે. આવા અમુક નામોને રિલીઝ કરવામાં આવ્યા છે. રોહિત શર્મા, વિરાટ કોહલી, ઋષભ પંત, મયંક અગ્રવાલ, જસપ્રિત બુમરાહ, મોહમ્મદ સિરાજ, રવીન્દ્ર જાડેજા, સૂર્યકુમાર યાદવ સહિત અન્ય ખેલાડીને ટીમે પોતાની સાથે રાખ્યા છે.

આ ઉપરાંત શુભમન ગિલ, કેએલ રાહુલ, હાર્દિક પંડ્યાને નવી ટીમે પોતાની સાથે જોડી લીધા છે. કેએલ રાહુલ લખનઉ ટીમની સાથે 17 કરોડ રૂપિયા, હાર્દિક પાંડ્યા અમદાવાદ ટીમ સાથે 15 કરોડ રૂપિયા અને શુભમન ગિલ પણ અમદાવાદ સાથે 8 કરોડ રૂપિયામાં જોડાયા છે.

ઈંડિયન પ્રીમિયર લીગ 2022ની શરૂાત માર્ચના અંતિમ અઠવાડીયામાં થઈ શકે છે. જ્યારે આઈપીએલનું મેગા ઓક્શન આ મહિનામાં 12-13 ફેબ્રુઆરી થવાનું છે. મેગા ઓક્શનનું આયોજન બેંગલુરૂમાં થશે. આપને જણાવી દઈએ કે, આ વખતે આઈપીએલમાં 10 ટીમો ભાગ લેવા જઈ રહી છે. જ્યાં ખેલાડીઓ પર બોલી લાગશે.