આખી ટુર્નામેન્ટમાં સારું રમ્યા બાદ લખનઉ સુપરજાયન્ટ્સની ટીમ બુધવારે રમવામાં આવેલા IPL 2022ના એલિમિનેટર મુકાબલામાં હારીને ટ્રોફી જીતવાની રેસમાંથી આઉટ થઇ ગઇ. રૉયલ ચેલેન્જર્સ બેંગ્લોરની ટીમે લખનઉ સુપર જાયન્ટ્સને 14 રનથી હરાવી ટીમને ટુર્નામેન્ટમાંથી હરાવીને નૉકઆઉટ કરી દીધી.
LSG મેચ હારતા ટ્રોફી જીતવાની રેસમાંથી આઉટ
LSGના મેન્ટર ગૌતમ ગંભીરનું રિએક્શન થયુ વાયરલ
કેએલ રાહુલની સામે આક્રોશિત મુદ્રામાં જોઇ રહ્યાં છે
ગંભીરના આ રિએક્શનની ટ્વિટર પર ભરપૂર થઇ રહી છે ચર્ચા
લખનઉ સુપર જાયન્ટ્સની આ હાર બાદ તેના મેન્ટર ગૌતમ ગંભીરનું એક રિએક્શન સોશિયલ મીડિયામાં ખૂબ વાયરલ થઇ રહ્યું છે. લખનઉ સુપર જાયન્ટ્સની હાર બાદ ગૌતમ ગંભીર તેની ટીમના કેપ્ટન કેએલ રાહુલની સામે આક્રોશિત મુદ્રામાં જોતા હોય તેવુ રિએક્શન સામે આવ્યું છે. કેપ્ટન કેએલ રાહુલ પણ લખનઉ સુપર જાયન્ટ્સના મેન્ટર ગૌતમ ગંભીરથી નજર મિલાવી શક્યા નથી. મેચ બાદ પોસ્ટ મેચ પ્રેઝન્ટેશન દરમ્યાન ગૌતમ ગંભીરનું આ રિએક્શન ઝડપથી સોશિયલ મીડિયામાં વાયરલ થઇ રહ્યું છે અને ક્રિકેટ પ્રેમીઓ પણ મજા લઇ રહ્યાં છે.
ગૌતમ ગંભીરને મેચ બાદ કેએલ રાહુલ સાથે વાતચીત કરતા જોવામાં આવ્યાં હતા. ગૌતમ ગંભીરનું રિએક્શન કેમેરામાં કેદ થયુ અને તેની તસ્વીર પણ સોશિયલ મીડિયામાં વાયરલ થઇ ગઇ છે. ટ્વિટર પર યુઝર્સ પોત-પોતાના હિસાબ પ્રમાણે કેપ્શન આપીને તસ્વીરો શેર કરી રહ્યાં છે.