ફાઈનલ મેચમાં વિકેટ લીધા બાદ હાર્દિક પંડ્યા એમ્પાયર સાથે આવું કંઈક કરતો જોવા મળ્યો હતો જેનો વીડિયો સોશિયલ મીડિયા પર ખૂબ વાયરલ થઈ રહ્યો છે.
હાર્દિક પંડ્યાનો વીડિયો વાયરલ
વિકેટ લીધા બાદ આ રીતે કર્યું સેલિબ્રેશન
એમ્પાયર સાથે કરી આવી હરકત
IPL 2022ની ફાઇનલ મેચમાં ગુજરાત ટાઇટન્સ (GT)ની જીતનો હીરો કેપ્ટન હાર્દિક પંડ્યા હતો. હાર્દિકે આ મેચમાં બોલિંગ અને બેટિંગ બંનેથી ધમાલ મચાવી હતી. રાજસ્થાન રોયલ્સ (RR)ની ઇનિંગ્સ દરમિયાન વિકેટ લીધા બાદ હાર્દિક પંડ્યાએ અમ્પાયર સાથે આવું કંઈક કર્યું કે તેનો વીડિયો સોશિયલ મીડિયા પર ખૂબ વાયરલ થઈ રહ્યો છે.
હાર્દિકે અમ્પાયર સાથે કરી આવી હરકત
રાજસ્થાન રોયલ્સ (RR) એ આ મેચમાં પ્રથમ બેટિંગ કરવાનો નિર્ણય કર્યો હતો. જે હાર્દિક પંડ્યાએ ખોટો સાબિત કર્યો હતો. હાર્દિકે આ મેચમાં સંજુ સેમસન, જોસ બટલર અને શિમરોન હેટમાયર જેવા મોટા બેટ્સમેનોની વિકેટ લીધી હતી.
હેટમાયરને પોતાના જ બોલથી કેચ આઉટ કર્યા બાદ હાર્દિકે બોલને ઓન-ફિલ્ડ અમ્પાયર ક્રિસ ગેફેની પાસે બોલ ફેંક્યો. બોલ અચાનક તેની તરફ આવતા અમ્પાયર ચોંકી ગયા હતા. ત્યારબાદ હાર્દિક અમ્પાયર પાસે દોડ્યો હતો અને તેમની સાથે મજાક કરતો જોવા મળ્યો હતો. આ ઘટના જોઈને બધાના ચહેરા પર સ્મીત આવી ગયું હતું.
ફાઈનલ મેચમાં હાર્દિકનું શાનદાર પ્રદર્શન
ગુજરાત ટાઇટન્સ (GT)ના કેપ્ટન હાર્દિક પંડ્યાએ ફાઇનલ મેચમાં પોતાના દમ પર ટીમને ચેમ્પિયનથી બનાવી હતી. મેચમાં પ્રથમ બોલિંગ કરતા હાર્દિક પંડ્યાએ 4 ઓવરમાં 4.25ની ઈકોનોતમીથી માત્ર 17 રન આપ્યા અને 3 મોટી વિકેટો લીધી. ટાર્ગેટનો પીછો કરતા ટીમને તેની પાસેથી વધારે આશા હતી અને હાર્દિકે આમ જ કર્યું. હાર્દિકે 30 બોલમાં 34 રનની શાનદાર ઈનિંગ રમી હતી.
વાઈફ નતાશાને ભેટીને ઈમોશનલ થયો હાર્દિક
આઈપીએલ 2022ની ટ્રોફી જીત્યા બાદ હાર્દિક અને નતાશા ઘણા ઈમોશનલ જોવા મળ્યા. હાર્દિકની વાઈફ નતાશાએ મેદાન પર આવીને તેને હગ કર્યું અને તે પણ ઘણી ઈમોશનલ થઇ ગઈ. બંનેની તસવીર સોશિયલ મીડિયા પર વાયરલ થઇ રહી છે.