મહાન બેટ્સમેન બ્રાયન લારા અને દક્ષિણ આફ્રિકાના ઘાતક બોલર રહેલા ડેલ સ્ટેન ઈન્ડિયન પ્રીમિયર લીગ સાથે જોડાઈ ગયા છે. સનરાઈઝર્સ હૈદ્રાબાદે લારાને બેટરનો જ્યારે સ્ટેનને બોલિંગ કોચ બનાવ્યો છે. ટોમ મૂડી હૈદ્રાબાદના હેડ કોચ તરીકે યથાવત રહેશે.
મહાન બેટ્સમેન બ્રાયન લારા IPL સાથે જોડાયા
સનરાઈઝર્સ હૈદ્રાબાદે લારાને બેટરનો કોચ બનાવ્યો
દક્ષિણ આફ્રિકાના બોલર રહેલા ડેલ સ્ટેનને બોલિંગ કોચ બનાવ્યો
ટેસ્ટ ક્રિકેટમાં એક ઈનિંગમાં 400 રન ફટકારનાર એકમાત્ર બેટ્સમેન લારા
ટેસ્ટ ક્રિકેટમાં એક ઈનિંગમાં 400 રન ફટકારનાર એકમાત્ર બેટ્સમેન લારાને ફ્રેન્ચાઈઝીએ વ્યૂહાત્મક સલાહકાર પણ બનાવ્યો છે. ઓસ્ટ્રેલિયાના પૂર્વ બેટ્સમેન સિમોન કેટીચ સહાયક કોચની ભૂમિકા નિભાવશે. આ સિવાય પૂર્વ ભારતીય ક્રિકેટર હેમાંગ બદાની ફીલ્ડિંગ કોચ અને સ્કાઉટની બેવડી ભૂમિકા નિભાવશે. આ ફ્રેન્ચાઈઝીની સાથે પહેલેથી મુથૈયા મુરલીધરન જેવા દિગ્ગજ જોડાયેલા છે. મુરલીધરન સ્પિન બોલરના કોચની જવાબદારી સંભાળ્યા સિવાય ટીમ માટે રણનીતિ પણ બનાવે છે.
લારાની પોતાના સમયમાં આક્રમક બેટ્સમેન તરીકેની પ્રતિભા
બ્રાયન લારાએ વેસ્ટ ઈન્ડીઝ માટે 133 ટેસ્ટ, 299 વન-ડે રમી. ટેસ્ટમાં તેમણે 34 સદી અને 48 અર્ધસદીની સાથે 11,953 રન બનાવ્યાં. આ સિવાય વન-ડેમાં પણ તેમણે 19 સદીના કારણે 10,405 રન બનાવ્યાં. લારાના નામે આંતરરાષ્ટ્રીય ક્રિકેટમાં 53 સદી અને 22,358 રન નોંધાયેલા છે. લારાએ ફર્સ્ટ ક્લાસ ક્રિકેટમાં એક ઈનિંગમાં 501 રન ફટકાર્યા છે. તેઓ પોતાના સમયમાં મોટી ઈનિંગ રમ્યા સિવાય એક આક્રમક બેટ્સમેન પણ રહ્યાં છે. ટેસ્ટ ક્રિકેટમાં તેમના નામે 2 બેવડી સદી નોંધાયેલ છે. જેમાં બે ત્રેવડી સદી છે. લારાએ ઈંગ્લેન્ડ સામે 1994માં 375 અને વર્ષ 2004માં 400 રનની ઈનિંગ રમી હતી.