ભારતીય ક્રિકેટ કંટ્રોલ બોર્ડ (બીસીસીઆઈ) આઈપીએલની 15મી સિઝનની શરૂઆત 2 એપ્રિલ 2022થી થાય તેવો વિચાર કરી રહ્યું છે. મેચ ક્યા અને ક્યારે રમાશે તે હજુ સુધી નક્કી કરવામાં આવ્યું નથી.
આઈપીએલની 15મી સિઝન 2 એપ્રિલથી થશે શરૂ
મેચ ક્યા અને ક્યારે રમાશે તે નિર્ધારીત થયુ નથી
8 જૂની ટીમોની સાથે 2 નવી ટીમો પણ જોડાશે
આઈપીએલની 15મી સિઝન 2 એપ્રિલથી થશે શરૂ
બીસીસીઆઈએ આઈપીએલના આંતરીક ભાગીદારોને જણાવ્યું છે કે આઈપીએલ 2 એપ્રિલથી શરૂ થઇ શકે છે. આ વાત એક મીડિયા રિપોર્ટમાં સામે આવી છે. આઈપીએલની 15મી સિઝનમાં 8 જૂની ટીમોની સાથે 2 નવી ટીમો પણ જોડાશે અને કુલ 74 મેચ રમાશે. આ વખતની આઈપીએલ સિઝન આખા 2 મહિનાની હોઈ શકે છે. રિપોર્ટમાં જણાવવામાં આવ્યું છે કે બીસીસીઆઈએ ફ્રેન્ચાઈઝીઓને એવુ પણ જણાવ્યું છે કે આઈપીએલની ફાઈનલ મેચ જૂનના પ્રથમ અઠવાડિયામાં રમાશે. એટલેકે 4 અથવા 5 જૂને રમાય તેવી શક્યતા છે.
15મી સિઝનની પ્રારંભિક મેચ ચેપાકમાં રમાશે
આઈપીએલની ગત સિઝનની વિજેતા ટીમ ચેન્નઈ છે. એવામાં પ્રારંભિક મેચ ચેન્નઈના ચેપાક સ્ટેડિયમમાં રમાવાનું નક્કી છે. જોકે, પ્રથમ મેચમાં ચેન્નઈની સામે કઈ ટીમ હશે તે હજુ સુધી નક્કી કરાયુ નથી. અગાઉ બીસીસીઆઈ સેક્રેટરી જય શાહે ગયા અઠવાડિયે યોજાયેલા એક કાર્યક્રમમાં કહ્યું હતુ કે આઈપીએલની 15મી સિઝન ટૂંક સમયમાં યોજાશે. તેમણે કહ્યું હતુ, મને ખબર છે કે ચેપાકમાં મેચ રમાય તેની તમે આતુરતાપૂર્વક રાહ જોઈ રહ્યાં છો. હવે આઈપીએલની બધી મેચો ભારતમાં રમાશે. આ ઉપરાંત બે નવી ટીમોનું જોડાણ થવાથી આઈપીએલના ઉત્સાહમાં વધારો થશે.