પરેશાની / IPL 2021 પહેલાં વિરાટ કોહલીની મુશ્કેલી વધી, 5 ખેલાડીઓએ છોડ્યો સાથ

• IPL 2021ની સિઝનનો બીજો તબક્કો 19 સપ્ટેમ્બરથી શરૂ થશે
• રોયલ ચેલેન્જર્સ બેંગ્લોર ટીમના કેપ્ટન વિરાટ કોહલીને લાગ્યો ઝાટકો
• પાંચ ધુરંધર ખેલાડીઓએ ટીમમાંથી સાથ છોડ્યો

રોયલ ચેલેન્જર્સ બેંગ્લોર ટીમમાંથી પાંચ ખેલાડીઓની બાદબાકી

બીજા તબક્કામાં રોયલ ચેલેન્જર્સ બેંગ્લોર ટીમના કેપ્ટન વિરાટ કોહલીને એક પછી એક ઝાટકા લાગી ગયા છે. એક પછી એક પાંચ ધુરંધર ખેલાડી તેમનો સાથ છોડીને જતા રહ્યાં છે. આખરે કોણ છે આ આક્રમક ખેલાડીઓ અને કેપ્ટન કોહલીનો સાથ છોડીને જવાથી રોયલ ચેલેન્જર્સ બેંગ્લોર ટીમને તેનાથી શું ફટકો પડશે. જે પાંચ ખેલાડીઓએ આઈપીએલ-2021ના બીજા તબક્કામાંથી નામ પાછુ લીધુ છે. તેમાં ન્યૂઝીલેન્ડના કિન એલન અને સ્કોટ કુગેલેઈન સહિત ઓસ્ટ્રેલિયાના ત્રણ ક્રિકેટર કેન રિચર્ડસન, ડેનિયલ સેમ્સ અને એડમ જેમ્પાનો સમાવેશ થાય છે. એલન અને સ્કોટને ન્યૂઝીલેન્ડની રાષ્ટ્રીય ટીમ માટે પસંદ કરવામાં આવ્યાં છે. જેના કારણે તેઓ આઈપીએલના બીજા તબક્કામાં ભાગ લેશે નહીં. જ્યારે કેન અને સેમ્સે પોતાને નાદુરસ્ત જણાવ્યાં છે.

RCBના કોચિંગ સ્ટાફમાં મોટો ફેરફાર

એટલું જ નહીં, બીજા તબક્કાની શરૂઆત થતાં પહેલાં જ રોયલ ચેલેન્જર્સ બેંગ્લોરના કોચિંગ સ્ટાફમાં પણ મોટો ફેરફાર જોવા મળ્યો છે. આ ઘટનાક્રમમાં આરસીબીના હેડ કોચ સાઈમન કેટિચે પોતાના પદ પરથી રાજીનામું આપી દીધુ છે અને હવે ટીમના ડાયરેક્ટર ઓફ ક્રિકેટ ઓપરેશન્સ એટલેકે માઈક હેસન કોચ પદની વધુ જવાબદારી પણ સંભાળશે. 

રોયલ ચેલેન્જર્સ બેંગ્લોરની સાથે 4 નવા ખેલાડીઓ જોડાયા

પરંતુ શું ફરક પડે છે ખેલાડી જાય છે અથવા તેની જગ્યાએ નવા ખેલાડી પણ આવે છે. એવામાં રોયલ ચેલેન્જર્સ બેંગ્લોરની સાથે પણ નવા ચાર ખેલાડીઓ પણ જોડાયા છે. આ ક્રિકેટરોમાં શ્રીલંકાના વાનિંદૂ હસારંગા અને દશમંથા ચમીરા સિવાય સિંગાપુરમાં જન્મેલા ઓસ્ટ્રેલિયન ખેલાડી ટીમ ડેવિડ પણ સામેલ છે. આ સિવાય જ્યોર્જ ગાર્ટનની પણ ટીમમાં પસંદગી કરવામાં આવી છે. જોકે, તેઓ હજુ આઈપીએલ ગવર્નિગ કાઉન્સિલ તરફથી મંજૂરી મળવાની રાહ જોઈ રહ્યાં છે.