IPL 2021 / વિરાટ કોહલીની જગ્યા પર કોણ બનશે RCBનો કેપ્ટન, આ 3 ખેલાડીઓ લિસ્ટમાં

• વિરાટ કોહલી RCBમાંથી પણ કેપ્ટનશીપ છોડશે 
• એક અઠવાડિયામાં બીજી ટીમની કેપ્ટનશીપ છોડવાનો નિર્ણય 
• હવે આ ત્રણ માંતી એક ખેલાડી બની શકે છે RCBના કેપ્ટન 

વિરાટ કોહલીએ ભારતની ટી20 કેપ્ટનશીપ છેડવાની જાહેરાત કર્યા બાદ પોતાના વધુ એક નિર્ણયથી લોકોને ચોંકાવી દીધા છે. કોહલીએ હવે IPLમાં RCB ટીમની કેપ્ટશીપ છોડવાનો નિર્ણય કર્યો છે. આ IPL સીઝન બાદ વિરાટ કોહલી RCBની કેપ્ટનશીય છોડી દેશે. જણાવી દીએ કે દુનિયાના બેસ્ટ બેસ્ટમેનોમાં શામેલ વિરાટ કોહલીએ એક અઠવાડિયાની અંદર બે ટીમોની કેપ્ટનશીપ છોડવાનો નિર્ણય કરી દીધો છે. ગયા અઠવાડિયે જ એલાન કર્યું હતું કે ટી20 વર્લ્ડ કપ 2021 બાદ તે ભારતીય ટી20 ટીમની કેપ્ટનશીપ છોડશે અને 19 સપ્ટેમ્હરે તેમણે આઈપીએલ 2021 બાદ રોયલ ચેલેન્જર્સ બેન્ગ્લોરની કેપ્ટનશીપ છોડવાની જાહેરાત કરી હતી. 

3 ખેલાડી બની શકે છે RCBના કેપ્ટન 
રોયલ ચેલેન્જર્સ બેંગ્લોર (RCB)એ વિરાટ કોહલીનો એક વીડિયો શેર કર્યો છે જેમાં તેમણે જણાવ્યું છે કે કેપ્ટનની રીતે 2021 આઈપીએલ તેમની છેલ્લી સીઝન હશે. વિરાટ 7 વર્ષથી આરસીબીના કેપ્ટન છે. પરંતુ તેમની કેપ્ટનશીપમાં આ ફ્રેન્ચાઈઝી ટીમ એક પણ આઈપીએલ સીઝન નથી જીતી શકી. વિરાટ કોહલીએ કેપ્ટનશીપ છોડ્યા બાદ એવા 3 ખેલાડીઓ છે જે RCBના કેપ્ટન બની શકે છે. 

એબી ડિવિલિયર્સ 
દક્ષિણ આફ્રિકાના પૂર્વ કેપ્ટન એબી ડિવિલિયર્સ વિરાટ કોહલીની કેપ્ટનશીપ છોડ્યા બાદ આવતા સીઝનમાં RCBના કેપ્ટન બની શકે છે. એબી ડિવિલયર્સ હાવ ભલે 37 વર્ષના છે. પરંતુ તેમની વિસ્ફોટક બેટિંગ જોઈને તે 27 વર્ષના લાગે છે. એબી ડિવિલિયર્સ પોતાની કેપ્ટનશીપમાં દક્ષિણ આફ્રીકાને 2015 વર્લ્ડ કપમાં સેમીફાઈનલ સુધી લઈને ગયા હતા. એબી ડિવિલિયર્સ વિરાટ કોહલી બાદ RCBની શ્રેષ્ઠ કેપ્ટનશીપ કરી શકે છે. 

ગ્લેન મેક્સવેલ 
ઓસ્ટ્રેલિયાઈ ઓલરાઉન્ડર ગ્લેન મેક્સવેલને આ વર્ષે RCB ટીમમાં શામેલ કરવામાં આવ્યા હતા. જેથી ડિવિલિયર્સની સાથે એક વધુ વિસ્ફોટક બેસ્ટમેન હોવાથી ટીમને મજબૂતી મળે. ગ્લેન મેક્સવેલ આ પહેલા કિંગ્સ ઈલેવન પંજાબની કેપ્ટનશીપ કરી ચુક્યા છે. ગ્લેન મેક્સવેલ બિગ બેશ લીગમાં મેલબર્ન સ્ટાર્સની પણ કેપ્ટનશીપનો અનુભવ ધરાવે છે. મેક્સવેલે આ IPL સીઝનમાં RCB માટે 144.8ની શાનદાર સ્ટ્રાઈક રેટથી 223 રન બનાવ્યા છે. 

દેવદત્ત પડિક્કલ 
RCBના યુવા બેસ્ટમેન દેવદત્ત પડિક્કલ પણ કેપ્ટનશીપની રેસમાં છે. આરસીબીના સલામી બેસ્ટમેન દેવદત્ત પડિક્કલનો રેકોર્ડ ખૂબ જ શાનદાર રહ્યો છે. આરસીબી દેવવત્ત પડિક્કલને મોટી જવાબદારી શોપવામાં આવી શકે છે.