ચર્ચા / કોહલીએ ચિત્તાની ઝડપે બોલ ઝડપી લીધો, બે મિનિટ તો બેટ્સમેન પોતે જ ચોંકી ગયો, જુઓ વિડીયો

• IPL મેચમાં વિરાટ કોહલીએ જમીન પરથી કૂદકો મારીને કેચ પકડ્યો
• સોશિયલ મીડિયામાં વિરાટ કોહલીની ફ્લાઈંગ કેચની ભારે ચર્ચા
• વિરાટ કોહલી દુનિયાના ટોપ ફીલ્ડરોમાં સામેલ

વિરાટની આક્રમક ફિલ્ડિંગ

રાજસ્થાન રોયલ્સ સામેની મેચમાં વિરાટ કોહલીએ ક્રિસ મોરિસનો કેચ પકડ્યો. જેને જોઈને સૌ કોઈ હેરાન થઇ ગયા. રાજસ્થાન રોયલ્સની 19મી ઓવરની ચોથી બોલમાં રોયલ્સના બેટ્સમેન ક્રિસ મોરિસે ઓફસાઈડમાં આક્રમક શોટ રમ્યા. બોલ બાઉન્ડ્રીને પાર કરવાનો હતો કે તરત વિરાટ કોહલીનું ફિલ્ડિંગમાં આક્રમક વલણ સામે આવ્યું.

ક્રિસ મોરિસને વિશ્વાસ આવ્યો નહીં

વિરાટે જમીન પરથી કૂદકો મારીને બોલને રોકવાનો પ્રયાસ કર્યો અને થોડી મિનિટોમાં બોલ પાછો આવી ગયો. ક્રિસ મોરિસને વિશ્વાસ આવ્યો નહીં કે વિરાટ કોહલી આવુ કેવીરીતે કરી શકે છે. ક્રિસ મોરિસના ચહેરા પરના હાવભાવ આ વાતને સ્પષ્ટ રીતે દર્શાવતા હતા કે કોહલીએ કેવીરીતે મારા આક્રમક શોટને રોક્યો. તો કોહલીએ ફરી એક વખત સાબિત કરી દીધુ કે તેમને દુનિયાનો બેસ્ટ ફીલ્ડર કેમ માનવામાં આવે છે.

#MORRIS ne shot maara Goli ki Raftaar se!! Magar Raste me aagye Goli se tez KOHLI❤️👑 #RCBvRR #ViratKohli pic.twitter.com/5Rx3A9dDGL

— Swapnil Singh (@Swapnil_Singh7) September 29, 2021

બેંગ્લોરે રાજસ્થાનને રગદોળ્યું

ઓલરાઉન્ડર ગ્લેન મેક્સવેલની શાનદાર ઈનિંગના પ્રતાપે રોયલ ચેલેન્જર્સ બેંગ્લોરે અહીં દુબઈ ઈન્ટરનેશનલ ક્રિકેટ સ્ટેડિયમમાં રમાયેલી આઈપીએલ 2021ની 43મી મેચમાં રાજસ્થાન રોયલ્સને 7 વિકેટથી હરાવ્યું. RCBના કેપ્ટન વિરાટ કોહલીએ ટોસ જીતીને પ્રથમ બોલિંગ કરવાનો નિર્ણય લીધો. રાજસ્થાને પ્રથમ બેટીંગ કરી 20 ઓવરમાં 9 વિકેટે 149 રન બનાવ્યાં છે. જ્યારે રાજસ્થાન રોયલ્સનો ટાર્ગેટ પૂર્ણ કરવા ઉતરેલી આરસીબીની ટીમે મેક્સવેલના 30 બોલમાં છ ચોગ્ગા અને એક છગ્ગાની મદદથી અણનમ 50 રનની ઈનિંગમાં 17.1 ઓવરમાં ત્રણ વિકેટના નુકસાને 153 રન બનાવી મેચ જીતી હતી.