શાહજાહ ક્રિકેટ સ્ટેડિયમમાં DC અને KKR વચ્ચે રોમાંચક મુકાબલો રમાયો હતો. રોમાંચક મુકાબલામાં રાહુલ ત્રિપાઠીની સિક્સરે ટીમ KKRને જીત અપાવી છે. ત્યારે હવે વિજેતા બનેલી ટીમ KKR ફાઇનલમાં પહોંચી છે. તેનો મુકાબલો ચેન્નઈ સુપર કિંગ્સ સાથે થશે. તો હવે હારનારી ટીમ દિલ્હી કેપિટલ્સની સફર અહીં પૂર્ણ થઇ છે.
આઈપીએલ 2021ના ક્વૉલિફાયર 2માં કોલકાતા નાઇટ રાઇડર્સે છેલ્લી ઓવરમાં જીત મેળવીને ફાઇનલમાં જગ્યા બનાવી લીધી છે. દિલ્હી કેપિટલ્સની ટીમે ફરી એક વખત અંતમાં હારનો સામનો કરવો પડ્યો અને 135નો સ્કોર બચાવી ન શકી. હવે કોલકાતાની ટીમ 15 ઓક્ટોબરે ચેન્નઈ સુપર કિંગ્સથી ટકરાશે. છેલ્લી ઓવરમાં જંગ રસાકસીભર્યો થયો હતો, પરંતુ કોલકાતાના રાહુલ ત્રિપાઠીએ છગ્ગા લગાવીને પોતાની ટીમને જીત અપાવી. આ ત્રીજી વખત બન્યું કે જ્યારે કોલકાતાની ટીમ ફાઇનલમાં પહોંચી છે.