IPL 2021 Final / ચેમ્પિયન CSK ને મળ્યાં 20 કરોડ રૂપિયા, ફાઈનલમાં હારેલી ટીમને મળ્યું આ ઈનામ

• ચેન્નઈ સુપર કિંગ્સ ચોથી વખત ચેમ્પિયન બની
• ચેન્નઈ સુપર કિંગ્સને 20 કરોડ રૂપિયા ઈનામ પેટે મળ્યાં
• ફાઈનલમાં હારેલી કેકેઆર ટીમને 12.5 કરોડ રૂપિયા મળ્યાં

ચેન્નઈ સુપર કિંગ્સને 20 કરોડ રૂપિયા ઈનામ પેટે મળ્યાં

આઈપીએલની 14મી સિઝનની ફાઈનલ મેચ બાદ ઈનામોનો વરસાદ થયો હતો. ચેન્નઈ સુપર કિંગ્સને 20 કરોડ રૂપિયા ઈનામ પેટે મળ્યાં. ફાઈનલમાં હારેલી કેકેઆર ટીમને 12.5 કરોડ રૂપિયા મળ્યાં. આઈપીએલ 2021માં સૌથી વધુ રન બનાવનાર સીએસકેના આક્રમક બેટ્સમેન ઋતુરાજ ગાયકવાડે 635 રન ઓરેન્જ કેપ પર કબજો જમાવ્યો. તેમને 10 લાખ રૂપિયાનો ચેક મળ્યો. આ સિવાય તેમને ઈમર્જિગ પ્લેયરનો એવોર્ડ 10,00,000 રૂપિયા પણ મળ્યાં.

Super Chennai Boys 💛💛💛💛#SuperCham21ons#CSKvKKR #WhistlePodu #Yellove🦁 pic.twitter.com/1aO3T7MX6H

— Chennai Super Kings - Mask P😷du Whistle P🥳du! (@ChennaiIPL) October 15, 2021

ઋતુરાજે ઓરેન્જ કેપ પ્રાપ્ત કરી

ફક્ત બે રનના અંતરથી આઈપીએલ 2021માં સૌથી વધુ બનાવનાર ઓરેન્જ કેપ પ્રાપ્ત કરનાર ઋતુરાજે કહ્યું કે ટીમ ચેમ્પિયન બનવાથી તેમની સિદ્ધીનું મહત્વ વધી ગયુ છે. ગાયકવાડે ટુર્નામેન્ટમાં 635 રન બનાવ્યાં. જ્યારે તેમના સાથી ખેલાડી બેટ્સમેન ફાફ ડુ પ્લેસિસ 633 રન બનાવીને બીજા સ્થાને છે. ચેન્નઈએ ફાઈનલમાં કોલકત્તા નાઈટ રાઈડર્સને 27 રનથી હરાવી.

કઈ ટીમ કેટલી વખત આઈપીએલ ચેમ્પિયન બની ?

1. મુંબઈ ઈન્ડિયન્સ- 5 વખત (2013, 2015, 2017, 2019 અને 2020) કેપ્ટન રોહિત શર્મા
2. ચેન્નઈ સુપર કિંગ્સ- 4 વખત (2010, 2011, 2018 અને 2021) કેપ્ટન મહેન્દ્ર સિંહ ધોની
3. કોલકત્તા નાઈટ રાઈડર્સ- 2 વખત (2012 અને 2014)  કેપ્ટન ગૌતમ ગંભીર
4. સનરાઈઝર્સ હૈદ્રાબાદ- 1 વખત (2016) કેપ્ટન ડેવિડ વોર્નર
5. ડેક્કન ચાર્જર્સ- 1 વખત (2009) કેપ્ટન એડમ ગિલક્રિસ્ટ
6. રાજસ્થાન રોયલ્સ- 1 વખત (2008) કેપ્ટન શેન વોર્ન