ભારતના સ્ટાર ક્રિકેટર હાર્દિક પંડ્યા અને તેમના ભાઈ ક્રુણાલ પંડ્યાનો એક વીડિયો સોશિયલ મીડિયામાં વાયરલ થઈ રહ્યો છે, જેમાં આ બંને ક્રિકેટર આકર્ષક સ્ટાઈલથી એન્ટ્રી મારી રહ્યાં છે. ખરેખર, આ બંને ભાઈ IPL 2021ની બીજી સિઝન માટે મુંબઈ ઈન્ડિયન્સ ટીમ સાથે જોડાયેલા છે.
હાર્દિક પંડ્યા અને ક્રુણાલ પંડ્યાનો વીડિયો સોશિયલ મીડિયામાં વાયરલ
અબુધાબી સ્થિત એક હોટલમાં ક્રિકેટરોએ આકર્ષક સ્ટાઈલથી કર્યો પ્રવેશ
પ્રશંસકોએ ટ્વિટર પર બંને ભાઈઓને તેમની સ્ટાઈલ માટે ટ્રોલ કરવાનું શરૂ કર્યુ
હાર્દિક-ક્રુણાલ પંડ્યાએ અબુધાબી સ્થિત હોટલમાં કરી એન્ટ્રી
હાર્દિક પંડ્યા અને તેમના ભાઈ ક્રુણાલ પંડ્યાએ જે અંદાજમાં અબુધાબી સ્થિત એક હોટલમાં એન્ટ્રી કરી. તેને જોઈને સોશિયલ મીડિયા પર પ્રશંસકોની પ્રતિક્રિયા આવવા લાગી છે. મુંબઈ ઈન્ડિયન્સની ટીમ 13 ઓગષ્ટે UAE પહોંચી હતી અને 20 ઓગષ્ટે અબુધાબીના શેખ જાયદ સ્ટેડિયમમાં અભ્યાસ શરૂ કરશે.
ક્રુણાલ પંડ્યાએ ભાઈ હાર્દિકની સાથે પોતાની એક તસ્વીર સોશિયલ મીડિયા પર શેર કરી છે. ત્યારબાદ પ્રશંસકોએ ટ્વિટર પર બંને ભાઈઓને તેમની સ્ટાઈલ માટે ટ્રોલ કરવાનું શરૂ કર્યુ. હાર્દિક પંડ્યાએ રમૂજ અંદાજમાં પોતાની એન્ટ્રીવાળો વીડિયો સોશિયલ મીડિયામાં શેર કર્યો છે. પછી શું હતું આ બંને ભાઈ પ્રશંસકોના નિશાને આવી ગયા.
આઈપીએલ 2021ની પ્રથમ સિઝનમાં હાર્દિક પંડ્યાનું પ્રદર્શન કશું ખાસ રહ્યું નથી. હાર્દિક પંડ્યાએ 7 મેચોમાં 8.66ની એવરેજથી ફક્ત 52 રન બનાવ્યાં હતા. આ દરમ્યાન તેમનો હાઈએસ્ટ સ્કોર ફક્ત 16 રન રહ્યો હતો. જો બોલિંગની વાત કરીએ તો પંડ્યાએ એક પણ ઓવર નાખી નથી. હવે આઈપીએલ 2021ના બીજા તબક્કામાં હાર્દિક પંડ્યાના અમુક પ્રશંસકો ઉત્સાહિત છે.