ભારતીય ટીમના પૂર્વ કેપ્ટન મહેન્દ્ર સિંહ ધોની વિશ્વના સૌથી સફળ કેપ્ટનમાંથી એક છે. ગયા વર્ષે આંતરરાષ્ટ્રીય ક્રિકેટને અલવિદા કહેનાર ધોની હવે ફક્ત આઈપીએલમાં જોવા મળે છે. આઈપીએલમાં તેઓ સીએસકેના કેપ્ટન છે.
IPLમાં કમાણી મામલે ધોની સૌથી આગળ
150 કરોડ રૂપિયાથી વધુની કમાણી કરનારા પ્રથમ ક્રિકેટર
કમાણી મામલે ધોની પાછળ રોહિત શર્મા અને વિરાટ કોહલી
એમએસ ધોનીએ 150 કરોડનો આંકડો કર્યો પાર
જો વર્ષ 2020ને છોડવામાં આવે તો દર વર્ષે ધોનીની ટીમ ચેન્નઈની દરેક ટીમો પર ભારે પડતી હતી. પરંતુ ધોનીના નામે આઈપીએલમાં એવી સફળતા છે, જે કોઈની પાસે નથી. ધોની આઈપીએલમાં 150 કરોડ રૂપિયાથી વધુની કમાણી કરનારા પ્રથમ ક્રિકેટર છે. ચેન્નઈ સુપર કિંગ્સે ચાલુ વર્ષે કેપ્ટન ધોનીને આઈપીએલમાં રિટેન કર્યો છે. અગાઉ તેમની કમાણી 137 કરોડ હતી. ધોનીનો પગાર 15 કરોડ રૂપિયા છે અને આવામાં ચાલુ વર્ષે તેમણે 150 કરોડનો આંકડો પાર કર્યો છે.
ધોની સફળ કેપ્ટન
2008થી જ ધોની સીએસકેની આગેવાની કરી રહ્યાં છે અને તેમની કેપ્ટનશિપમાં ત્રણ વખત ચેન્નઈ ટીમે આઈપીએલનો ખિતાબ પોતાના નામે કર્યો છે. વર્ષ 2010, 2011 અને 2018માં ચેન્નઈ સુપર કિંગ્સ ચેમ્પિયન બન્યું હતુ.
કમાણી કરવામાં કોહલીથી આગળ છે રોહિત
આઈપીએલમાં સૌથી વધારે કમાણી કરવા મામલામાં ધોની પાછળ રોહિત શર્મા અને વિરાટ કોહલીનું નામ આવે છે. ઉલ્લેખનીય છે કે, આઈપીએલમાં કમાણી કરવામાં રોહિત વિરાટ કોહલીથી આગળ છે.
રોહિત શર્મા
મુંબઈ ઈન્ડિયન્સના કેપ્ટન રોહિત શર્મા આઈપીએલના સૌથી સફળ કેપ્ટન છે. 2019ની આઈપીએલ જીત્યા બાદ તેમણે રેકોર્ડ બ્રેક 5 ખિતાબ પ્રાપ્ત કર્યા હતા. રોહિત આ યાદીમાં બીજા નંબરે છે. આઈપીએલમાં રોહિત શર્માની અત્યાર સુધીની કમાણી 131.6 કરોડ થઇ છે.
વિરાટ કોહલી
રોયલ ચેલેન્જર્સ બેંગ્લોરના કેપ્ટન વિરાટ કોહલી આ યાદીમાં ત્રીજા નંબરે આવે છે. આઈપીએલની આ શ્રેણી બાદ વિરાટ કોહલી રોહિત અને ધોનીની સાથે 130 કરોડની ક્લબમાં સામેલ થઇ જશે. અત્યાર સુધી વિરાટની આઈપીએલની કમાણી 126.6 કરોડ છે.