વિવાદ / મોર્ગને અશ્વિનને કહ્યો હતો ખૂબ જ અશ્લીલ શબ્દ, મેદાન પર જ થયો મોટો ડ્રામા

• કેકેઆર અને દિલ્હી કેપિટલ્સની વચ્ચે મેચ રમાઈ
• સ્પિનર આર અશ્વિન- કેકેઆરના કેપ્ટન ઈયોન મોર્ગન વચ્ચે તીખી ચર્ચા
• બંનેની બોલાચાલીના કારણે મેદાન પર થયો હતો મોટા ડ્રામા 

આર અશ્વિનનો મોટો ખુલાસો

રવિચંદ્રન અશ્વિને કહ્યું છે કે દિલ્હી કેપિટલ્સ અને કોલકત્તા નાઈટ રાઈડર્સની વચ્ચેની મેચમાં ઓવર થ્રો લેતા પહેલાં તેમને ખબર નહોતી કે તેમના કેપ્ટન રિષભ પંતના શરીરે બોલ વાગ્યો હતો. જોકે, અશ્વિનનું કહેવુ છે કે 19મી ઓવર દરમ્યાન બનેલા આ કિસ્સામાં રન લેવાનો તેમનો અધિકાર હતો. આ ઓવર થ્રોને કારણે કોલકત્તાની ટીમમાંથી સાઉદી ઈયોન મોર્ગન અને દિલ્હીના અશ્વિન વચ્ચે બોલચાલી થઇ હતી અને અશ્વિને જણાવ્યું કે, મોર્ગને અશ્લિલ શબ્દો કહી તેનું અપમાન કર્યુ હતુ.

અશ્વિને કશું ખોટું કર્યુ નથી

બેટ્સમેનના શરીર પર બોલ વાગ્યા બાદ બોલ છટકીને જતી રહે તો ઓવર થ્રો લેવામાં રમતના નિયમોમાં કોઈ પ્રતિબંધ નથી. પરંતુ સામાન્ય રીતે બેટ્સમેન આવા રન લેવાનો ઈન્કાર કરે છે. અશ્વિને ટ્વિટર પર ઘટનાક્રમનું વિવરણ આપ્યું અને કહ્યું કે મોર્ગન અને સાઉદી બંનેએ તેને ભાષણ આપવાનો કોઈ અધિકાર નથી.

1. I turned to run the moment I saw the fielder throw and dint know the ball had hit Rishabh.
2. Will I run if I see it!?
Of course I will and I am allowed to.
3. Am I a disgrace like Morgan said I was?
Of course NOT.

— Mask up and take your vaccine🙏🙏🇮🇳 (@ashwinravi99) September 30, 2021

જાણો, અશ્વિને શું લખ્યું

અશ્વિને લખ્યું, હું ફીલ્ડરના થ્રો વખતે દોડ્યો હતો અને મને ખબર નહોતી કે બોલ રિષભના શરીર પર વાગ્યો છે. જો મને આ દેખાયુ હોત તો શું હું ભાગ્યો હોત? હા, મારો અધિકાર છે. શું મોર્ગને મને અપશબ્દો કહી મારું અપમાન કર્યુ, આ યોગ્ય હતુ? બિલ્કુલ નહીં.