સ્પોર્ટ્સ / VIDEO : ચેતેશ્વર પૂજારાએ નેટ પ્રેક્ટિસમાં એવી બેટિંગ કરી કે જે ટીમે નથી લીધો તેને પસ્તાવો થશે

• ચેન્નઈએ પુજારાને 50 લાખની બેઝ પ્રાઈઝમાં ખરીદ્યો 
• પુજારાએ પણ જોરશોરથી નેટ્સમાં પ્રેક્ટિસ શરૂ કરી 
• વીડિયો થયો વાયરલ 

ચેતેશ્વર પૂજારાને ટેસ્ટ મેચનો ખેલાડી માનવામાં આવે છે પરંતુ પૂજારા આઇપીએલ પહેલા T20 મોડમાં આવી ગયા હોય તેવો વીડિયો સામે આવ્યો છે. આ વીડિયોમાં પૂજારા ચોગ્ગા અને છગ્ગાઑનો વરસાદ કરતાં દેખાઈ રહ્યા છે. નેટ પ્રેક્ટિસનો વીડિયો ઈન્ટરનેટ પર ખૂબ વાયરલ થઈ રહ્યો છે. 

શું છે વીડિયોમાં? 

સોશ્યલ મીડિયા પર એક વીડિયો વાયરલ થઈ રહ્યો છે જેમાં પૂજારા પ્રેક્ટિસ સેશનમાં શૉટ, કવર ડ્રાઈવ લગાવતા નજરે પડી રહ્યા છે. ક્રિકેટ રસિકોમાં આ વીડિયો ખૂબ પસંદ કરવામાં આવી રહ્યો છે. 

Puji was on fire 🔥@cheteshwar1 #csk pic.twitter.com/CNbPXi786q

— Ravi Desai 🇮🇳 Champion CSK 💛🏆 (@its_DRP) March 30, 2021

ચેન્નઈને થશે ફાયદો 

ચેન્નાઈની ટીમે પૂજારાને પોતાની ટીમમાં સામલે કર્યા છે ત્યારે તે ખુદને સાબિત કરવા માટે ખૂબ જોરદાર તૈયારી કરી રહ્યા છે જેનો વીડિયો સોશ્યલ મીડિયામાં આગની જેમ વાયરલ થઈ રહ્યો છે. નોંધનીય છે કે આ સિઝનમાં પૂજારાને ચેન્નઈ સુપર કિંગ્સે 50 લાખ રૂપિયામાં પોતાની ટીમમાં સામેલ કર્યા છે. નોંધનીય છે કે ગત સિઝનમાં પહેલીવાર ચેન્નઈની ટીમ પ્લે ઓફમાં પણ પહોંચી ન હતી. આ સમયે આ ટીમને ધમાકેદાર પરફોર્મન્સની વધારે જરૂર છે. ત્યારે ટૂર્નામેન્ટ પહેલા પૂજારાના આ ફોર્મથી ટીમને ફાયદો થઈ શકે છે. 

બેટિંગ સ્ટાઈલ પણ બદલી 

નોંધનીય છે કે વીડિયોમાં જોઈ શકાય છે કે પૂજારાએ પોતાની બેટિંગ સ્ટાઈલમાં ફેરફાર કર્યો છે. સામાન્યપણે બેટને નીચે રાખનાર પૂજારા હવે બેટની બેકલિફ્ટ હવે ખૂબ ઉપર દેખાઇ રહી છે. જેથી તેઓ શૉટમાં વધારે તાકાત લગાવી શકે.