IPL દેશમાં ખુબ જ લોકપ્રિય ક્રિકેટ લીગ છે. IPL માટે ક્રિકેટ પ્રેમીઓ આખું વર્ષ આતુરતાથી રાહ જોતા હોય છે. IPL શરુ થયા બાદ દેશમાં ક્રિકેટનો રંગ ચડી જતો હોય તેવો માહોલ જોવા મળે છે ત્યારે વર્ષ 2020માં IPLની પહેલી મેચની તારીખ સામે આવી ગઈ છે. વર્તમાન ચેમ્પિયન ટીમ મુંબઈ ઇન્ડિયન્સ પોતાના જ હોમ ગ્રાઉન્ડમાં ટ્રોફી બચાવવા માટે મેદાનમાં ઉતરશે
મુંબઈ ઇન્ડિયન્સ છે વર્તમાન ચેમ્પિયન
દિલ્હી કેપિટલ્સનાં એક અધિકારીએ તારીખોનો કર્યો દાવો
જો 29એ જ મેચ શરુ થાય તો ન્યુઝીલેન્ડ અને ઓસ્ટ્રેલીયાનાં ખેલાડી શરૂઆતની મેચમાં સામેલ નહીં થાય
દિલ્હી કેપિટલ્સનાં એક અધિકારીએ IPLની શરૂઆતની તારીખ 29 માર્ચ નક્કી કરી દેવામાં આવી છે. અધિકારીએ કહ્યું કે તેમને જણાવવામાં આવ્યું છે કે IPL 2020ની પહેલી મેચ 29મી માર્ચનાં રોજ મુંબઈમાં રમવામાં આવશે.
ઇંગ્લેન્ડ અને શ્રીલંકા વચ્ચે પણ ટેસ્ટ સીરીઝ રમાવાની છે
જો આ જ તારીખોમાં મેચ રમવામાં આવે તો શરૂઆતની અમુક મેચમાં ઓસ્ટ્રેલીયા, ઇંગ્લેન્ડ અને ન્યુઝીલેન્ડનાં ખેલાડીઓનો લાભ મળશે નહીં. કારણ કે આ સમય દરમિયાન ઓસ્ટ્રેલિયા અને ન્યુઝીલેન્ડ વચ્ચે T 20 સીરીઝ ચાલતી હશે. આ જ રીતે ઇંગ્લેન્ડ અને શ્રીલંકા વચ્ચે પણ ટેસ્ટ સીરીઝ રમાવાની છે. જેનું સમાપન 31મી માર્ચનાં રોજ થશે.
આઈપીએલ 2020 માટે હરાજી પણ સંપન્ન થઇ ગઈ છે. જેની યાદી IPL દ્વારા જાહેર કરવામાં આવી છે.
આઈપીએલ ગવર્નિંગ કાઉન્સિલ આ સીઝનમાં વધુમાં વધુ ડબલ હેડર કરાવવાના પક્ષમાં
આઈપીએલની એક ફ્રેન્ચાઇઝીનાં સિનિયર અધિકારીએ આ પહેલાં કહ્યું હતું કે આઈપીએલ ગવર્નિંગ કાઉન્સિલ ફરી એકવાર જુના ફોર્મેટ પ્રમાણે ટૂર્નામેન્ટનું આયોજન કરશે. આઈપીએલ ગવર્નિંગ કાઉન્સિલ આ સીઝનમાં વધુમાં વધુ ડબલ હેડર કરાવવાના પક્ષમાં છે કારણ કે તેમનું માનવું છે કે તેનાથી વધુ દર્શકોનો વ્યુઈંગ ટાઈમ મળી શકે છે.