દિલ્હી કેપિટલ્સની ગાડી આઇપીએલ-૨૦૨૦માં પાટા પરથી ઊતરી ગઈ છે. એક સપ્તાહ પહેલાં સુધી એવું લાગી રહ્યું હતું કે આ ટીમ પોઇન્ટ ટેબલમાં પ્રથમ અથવા બીજા સ્થાને રહી શકે છે. હવે ટોપ-2નું સપનું દિલ્હીથી દૂર થતું જોવા મળી રહ્યું છે. ગઈ કાલે હૈદરાબાદ સામે દિલ્હીનો આ સળંગ ત્રીજો પરાજય હતો.
ટોપ-2નું સપનું દિલ્હીથી દૂર થતું જોવા મળી રહ્યું છે
હૈદરાબાદે પ્લેઓફમાં પહોંચવાની પોતાની આશાઓ જાળવી રાખી
દિલ્હીની ટીમ મુંબઈ અને બેંગલુરુની સરખામણીએ એક લીગ મેચ વધુ રમી
ગઈ કાલની જીત સાથે હૈદરાબાદે પ્લેઓફમાં પહોંચવાની પોતાની આશાઓ જાળવી રાખી છે. હૈદરાબાદનો આ પાંચમો વિજય હતો. હવે હૈદરાબાદના ૧૨ મેચમાં ૧૦ પોઇન્ટ થઈ ગયા છે. હવે તેને બે મેચ રમવાની છે. પ્લેઓફની આશા જીવંત રાખવા માટે હૈદરાબાદે આ બંને મેચ જીતવી રહી.
જ્યારે દિલ્હી કેપિટલ્સની ૧૨ મેચમાં આ સતત ત્રીજી અને કુલ મળીને પાંચમી હાર હતી. દિલ્હીના સાત જીત સાથે ૧૪ પોઇન્ટ છે. મુંબઈ ઇન્ડિયન્સ અને આરસીબીના પણ ૧૪-૧૪ પોઇન્ટ છે. દિલ્હી રન રેટના પાછળ હોવાને કારણે પોઇન્ટ ટેબલમાં ત્રીજા સ્થાન પર છે. દિલ્હીએ હવે બે મેચ અને મુંબઈ-બેંગલુરુએ ત્રણ-ત્રણ લીગ મેચ રમવાની છે.
દિલ્હીની ટીમ મુંબઈ અને બેંગલુરુની સરખામણીએ એક લીગ મેચ વધુ રમી છે. દિલ્હીનો મુકાબલો આ હવે આ બંને ટીમ સામે જ થવાનો છે, જે વર્તમાન ટૂર્નામેન્ટની સૌથી મજબૂત ટીમો છે. સતત ત્રણ મેચ હારી જતાં સ્પષ્ટપણે લાગે છે કે દિલ્હીની ટીમ ફોર્મ ગુમાવી ચૂકી હોવાનો સંકેત આપે છે.