IPL 2020ની સીઝનના એક મુકાબલામાં સનરાઇઝર્સ હૈદરાબાદે કિંગ્સ ઇલેવન પંજાબને 69 રને હરાવ્યું છે. હૈદરાબાદે પહેલા બેટિંગ કરતા 6 વિકેટના નુકસાને 201 રન બનાવ્યા હતા. જેના જવાબમાં 202 રનના લક્ષ્યનો પીછો કરવા ઉતરેલી પંજાબની ટીમે 16.5 ઓવરમાં 10 વિકેટના નુકસાને 132 રન બનાવ્યા.
સનરાઇઝર્સ હૈદરાબાદ(SRH)ની જીત
કિંગ્સ ઇલેવન પંજાબ(KXIP) 69 રને હાર્યું
પંજાબને હૈદરાબાદે આપ્યો હતો 202 રનનો ટારગેટ
આઇપીએલની 13મી સીઝનના 22માં મુકાબલામાં સનરાઇઝર્સ હૈદરાબાદે બાજી મારી છે. ગુરૂવાર રાત્રે દુબઈમાં તેમણે કિંગ્સ ઇલેવન પંજાબને 69 રને હરાવ્યું છે. 202 રનના મોટા સ્કોરનો પીછો કરવા ઉતરેલી પંજાબની ટીમ 16.5 ઓવરમાં 132 રન પર સમેટાઇ ગઇ. પંજાબ તરફથી નિકોલસ પૂરન(77 રન, 37 બોલ) સિવાય કોઇ પણ બેટ્સમેન ચાલી ન શક્યો. લેગ સ્પિનર રશિદ ખાને 4 ઓવરમાં અંદાજિત 12 રન આપીને 3 વિકેટ ઝડપી. આ મેચમાં હૈદરાબાદની જીતના હીરો રહ્યા મેન ઓફ ધ મેચ જૉની બેયરસ્ટો(97 રન), ડેવિડ વૉર્નર(52 રન) અને રશદ ખાન(12/4).
આ જીતની સાથે જ સનરાઇઝર્સ હૈદરાબાદની ટીમ ત્રીજી જીત સાથે જ પોઇન્ટ ટેબલમાં મુંબઈ ઇન્ડિયન્સ અને દિલ્હી કેપિટલ્સ બાદ ત્રીજા સ્થાને પહોંચી ગઇ છે. આ તેમની છઠ્ઠી મેચ હતી. પંજાબની ટીમ આટલી જ મેચોમાં પાંચમી હાર સાથે પોઇન્ટ ટેબલમાં સૌથી નીચે છે.
That's that. Natarjan gets the two final wickets and #KXIP are all out for 132.#SRH win 69 runs.