ભારતમાં ક્રિકેટરસિયાઓમાં અત્યારે ખુશીનો માહોલ છે, સૌથી વધુ લોકપ્રિય ટૂર્નામેન્ટમાં ખેલાડીઓ શાનદાર પ્રદર્શન કરી રહ્યા છે. જે ખેલાડીઓ લોકોના દિલ જીતી રહ્યા છે તેમાં દિલ્હી કેપિટલ્સનાપ પૃથ્વી શોનું નામ પણ આવે છે.
પૃથ્વી માત્ર ચાર વર્ષનાં હતા ત્યારે તેમનાથી માતાની મમતા દૂર થઇ
ડેબ્યુ ટેસ્ટ મેચમાં સૌથી નાની ઉંમરમાં સેન્ચુરી ફટકારવાનો રેકોર્ડ પૃથ્વીના નામે
તેમની કેપ્ટનશીપમાં ત્રીજી ફેબ્રુઆરીએ ભારતે અન્ડર 19 વર્લ્ડ કપ જીતી
શુક્રવારે પૃથ્વીએ ધમાકેદાર 64 રન ફટકાર્યા અને તે બાદ તેઓ મેન ઓફ ધ મેચ પણ રહ્યા. આ યુવા ખેલાડીનું જીવન ઘણા બધા સંઘર્ષથી પસાર થયેલું છે,અહિયાં સુધી પહોંચવા તેણે અને તેના પિતાએ દિવસ રાત એક કરી દીધા.
પૃથ્વી માત્ર ચાર વર્ષનાં હતા ત્યારે તેમના માથા પરથી માતાની મમતા દૂર થઇ અને તે બાદ તેમના પિતાએ જ માતા અને પિતા બંનેની ફરજ અદા કરી. પૃથ્વીના કપડા ધોવાથી લઇને મેદાન પર પ્રેક્ટીસમાટે છોડવા સુધીની બધી જ જવાબદારી તેના પિતાએ જ ઉઠાવી.
ભારતીય ટીમ તરફથી રમતી વખતે પહેલી જ ટેસ્ટ મેચમાં પૃથ્વીએ શાનદાર સેન્ચુરી ફટકારી. ડેબ્યુ ટેસ્ટ મેચમાં સૌથી નાની ઉંમરમાં સેન્ચુરી ફટકારવાનો રેકોર્ડ પણ પૃથ્વીના નામે છે.
પૃથ્વી મૂળરૂપે બિહારના ગયા જિલ્લાના છે જોકે હવે તે મહારાષ્ટ્રિયન છે કારણ કે વર્ષો પહેલા તેમના પિતા મહારાષ્ટ્રમાં આવીને વસ્યા હતા. પૃથ્વી જ્યારે ત્રણ વર્ષના હતા ત્યારે જ પિતાએ વિરારના ક્રિકેટ એકેડેમીમાં પૃથ્વીનું એડમીશન કરાવ્યું.
જો આજે પૃથ્વી ભારતના ખ્યાતનામ ખેલાડી બની ગયા છે અને તેમની આભા દેશ વિદેશમાં પ્રસરી રહી છે તો તેમાં તેમના પિતાનો ખૂબ મોટો રોલ રહેલો છે. પૃથ્વી પણ ઘણીવાર આ વાત સોશ્યલ મીડિયામાં કહી ચુક્યા છે.
પૃથ્વીની માતાના મોત બાદ પિતાએ જ બધું ગુજરાન ચલાવ્યું અને કામ કર્યું. તેના પિતાએ થોડાક સમય માટે પોતાનો કારોબાર પણ ઠપ કરી દેવો પડ્યો.
શાનદાર પ્રદર્શનના કારણે પુર્થ્વીએ 2017માં તામિલનાડુમાં મુંબઈ વિરુદ્ધ પ્રથમ શ્રેણી ક્રિકેટમાં એન્ટ્રી મારી અને પહેલી જ રણજી મેચમાં તે મેન ઓફ ધ મેચ બન્યા અને પછી તેઓ વિજય હજારે ટ્રોફીમાં પણ રમ્યા.
તે બાદ પૃથ્વી અન્ડર 19 ક્રિકેટ ટીમના કેપ્ટન બન્યા અને તે બાદ અન્ડર 19 વર્લ્ડ કપમાં ઓસ્ટ્રેલિયા વિરુદ્ધ મેચમાં સો બોલમાં 84 રન ફટકાર્યા. તેમની કેપ્ટનશીપમાં ત્રીજી ફેબ્રુઆરીએ ભારતે અન્ડર 19 વર્લ્ડ કપ જીતી.