IPLની આ સીઝનમાં ઘણા બધા રોમાંચક મુકાબલા જોવા મળ્યા છે જેમાં પંજાબની ટીમ છેલ્લી ઘણી મેચથી સારું પ્રદર્શન કરી રહી છે ત્યારે પંજાબની જીત બાદનો એક વીડિયો સોશ્યલ મીડિયામાં જાણે આગ લગાવી રહ્યો છે.
હૈદરાબાદ સામે પંજાબનો 12 રને વિજય
જીત બાદ ખુશીથી ઝૂમી ઉઠી પ્રીતિ ઝીંટા
પ્રીતિ ઝીંટાનો ફ્લાઈંગ કિસ કરતો વીડિયો વાયરલ
આઈપીએલની શરૂઆતમાં કિંગ્સ ઈલેવન પંજાબ દ્વારા કંઈ ખાસ પ્રદર્શન ન થયું પરંતુ હવે જે રીતે સતત ચોથી જીત નોંધાવી છે તે જોઇને ઘણા ક્રિકેટરસિયાઓમાં ઉત્સાહ અવી ગયો છે. શનિવારે પંજાબની ટીમે હૈદરાબાદને રોમાંચક મુકાબલામાં 12 રનથી મ્હાત આપી છે અને પોઈન્ટ ટેબલમાં પાંચમાં સ્થાને છે.
What a victory this for @lionsdenkxip. Four wins in a row for them.
આ જીત બાદ પંજાબના ખેલાડીઓ ખૂબ ઉત્સાહમાં આવી ગયા અને ટીમના માલિક પ્રીતિ ઝીંટા પણ ખુશીમાં ઝૂમી ઉઠ્યા. જીત બાદ ખુશીમાં આવીને પ્રીતિએ મેદાન તરફ જોઇને ફ્લાઈંગ કિસ કરી. જેનો વીડિયો સોશ્યલ મીડિયામાં ખૂબ વાયરલ થઇ રહ્યો છે.
પ્રીતિએ ટ્વિટરમાં લખ્યું કે હું એટલી બધી ઉત્સાહિત છું કે આજે રાતે ઊંઘી નહીં શકું, આપણું પંજાબ જીતી ગયું. આશા રાખું છું કે અમે અમારા ચાહકૉને ઝટકો નહીં આપીએ. આજે મને શીખવા મળ્યું છે કે છેક સુધી હાર માનવી જોઈએ નહીં અને અંત સુધી લડાઈ લડવી જોઈએ.
નોંધનીય છે કે પ્રીતિએ આ જીતનો શ્રેય પોતાની ટીમના બોલર્સને આપી છે જેમાં ક્રીસ જોર્ડન, મોહમ્મદ શમી, અર્શદીપ સિંહ, રવિ બિશ્નોઈ, અશ્વિન મુરુગન અને મંદીપ સિંહ સામેલ છે. સાથે જ પ્રીતિએ કેપ્ટન કેએલ રાહુલના વખાણ કર્યા હતા.