IPLમાં મહેન્દ્રસિંહ ધોનીનુ પ્રદર્શન યોગ્ય ન રહેતા સોશિયલ મીડિયા પર શખ્સોએ ધોનીની 5 વર્ષની દિકરીને દુષ્કર્મની ધમકી આપી છે. ધોનીની દીકરી સાથે દુષ્કર્મ અને શારિરીક પીડાની ધમકી આપી છે. KKR સામે CSKની હાર થતા ટ્રોલર્સ ભાન ભૂલ્યા છે. ધોની અને ધોનીના પત્ની સાક્ષીના અકાઉન્ટ પર ધમકી લખી છે. આ ઘટનાને પગલે આવા શખ્સો સામે કાર્યવાહીની માંગ ઉઠી છે. ધોનીના ફોલોઅર્સે ધમકી આપનાર સામે બળાપો કાઢ્યો છે.
IPLમાં ધોનીનું પ્રદર્શન યોગ્ય ન રહેતા ધમકી ઉચ્ચારી
IPLમાં આ સીઝન MS ધોનીની કેપ્ટનશીપ વાળી ચેન્નઈ સુપરકિંગ્સનું પ્રદર્શન આ સીઝન થોડું ફીક્કુ દેખાઇ રહ્યું છે. આ વચ્ચે સોશિયલ મીડિયા પર ટ્રોલર્સે ધોનીને ટ્રોલ કરવાનું શરૂ કરી દીધું છે. જોકે આ વાત ત્યારે બગડી જ્યારે કેટલાક ખરાબ માનસિકતાના ટ્રોલર્સે ધોનીની 5 વર્ષની દીકરીને સોશિયલ મીડિયા પર રેપની ધમકી આપી દીધી. ભારતીય ટીમના ઝડપી બોલર ઇરફાન પઠાણે આવી ખરાબ માનસિકતા વાળા લોકોને ફટકાર લગાવી છે.
ધોનીની ટીમે આ સીઝનમાં 6 મેચ રમીને 2માં જ જીત મેળવી છે, જ્યારે 6માં તેમને હારનો સામનો કરવો પડ્યો છે. ધોનીની ટીમ આ ટૂર્નામેન્ટમાં ફેવરિટ માનવામાં આવી રહી હતી. જોકે તમામ જાણતા હતા કે હાર જીત રમતનો એક ભાગ છે. પરંતુ સોશિયલ મીડિયા પર જોઇએ તો કેટલાક ખરાબ માનસિકતા વાળા ટ્રોલર્સે ધોનીની સાથે તેમની પત્ની સાક્ષી ધોનીને સોશિયલ મીડિયા એકાઉન્ટ્સ પર ગાળો આપતી પોસ્ટ કરવાનું શરૂ કરી દીધું.
આ વચ્ચે કેટલાક ટ્રોલર્સે ધોનીની દીકરી જીવાને રેપની ધમકી આપી દીધી. સોશિયલ મીડિયા પર કેટલાક લોકોએ ટ્રોલર્સની આ કરતૂત વિરૂદ્ધ પોતાનો અવાજ બુલંદ કર્યો છે. પૂર્વ ભારતીય ઝડપી બોલર અને ક્રિકેટ કોમેન્ટેટર ઇરફાન પઠાણે પણ આવા ટ્રોલર્સને જડબાતોડ જવાબ આપ્યો છે.
પઠાણે એક ટ્વિટ કરી લખ્યું, તમામ ખેલાડી પોતાનું શ્રેષ્ઠ આપી રહ્યા છે. ક્યારેક ક્યારેક આ કામ નથી આવી શકતું પરંતુ તેનાથી કોઇને એ અધિકાર નથી મળી જાતો કે નાના બાળકોને કોઇપણ પ્રકારની ધમકી આપી દે.
All the players giving their best,sometimes it just doesn’t work but it’s doesn’t give any one any authority to give a threat to a young child #mentality#respect
પઠાણની વાત પર સહમતિ દર્શાવતા અને ટ્રોલર્સની આવી કરતૂત પર દુઃખ વ્યક્ત કરતા એક યૂઝરે પઠાણને રિપ્લાઇ કરતા લખ્યું કે, ભારત બહુજ ખોટી દિશામાં જઇ ચૂક્યો છે અને બધી તરફ નકારાત્મકતા જ નકારાત્મકા છે. પઠાણે આનો જવાબ આપતા લખ્યું કે, ભારત નહીં, લોકો.
India bahut galat direction me ja chuka hai har taraf sirf negativity hi negativity hai 😰😰😰