IPLની રસાકસીમાં હવે ખેલાડીઓની મિડ સિઝન ટ્રાન્સફર શરુ, જાણો કયા ખેલાડીઓની ટીમ બદલાઈ શકે છે
જો કે આ બધા વચ્ચે કેટલીક ટીમ એવી પણ છે, જે અત્યાર સુધી પોતાનું પરફેક્ટ ટીમ કોમ્બિનેશન શોધી શકી નથી અને ટૂર્નામેન્ટમાં તેમને બોલિંગ-બેટિંગને લઈને સંઘર્ષ કરવો પડી રહ્યો છે. ઘણી ફ્રેંચાઇઝી પાસે કેટલાક એવા ખેલાડી છે, જેમને હજુ સુધી મેદાનમાં ઊતરવાની તક મળી નથી, પરંતુ હવે IPLની મધ્યમાં 'મિડ-સિઝન ટ્રાન્સફર' આવશે, જેના અંતર્ગત હવે એક ફ્રેંચાઇઝી બીજી ફ્રેંચાઇઝીના ખેલાડીને કેટલાક નિયમ અને શરતો સાથે પોતાની ટીમમાં સામેલ કરી શકશે.
અગાઉ આ નિયમ ફક્ત ઘરેલુ મેચ રમેલા ખેલાડીઓ માટે જ સીમિત હતો, પરંતુ હવે IPL-૨૦૨૦માં યોજાનાર મિડ-સિઝન ટ્રાન્સફરમાં આંતરરાષ્ટ્રીય મેચ રમતા ખેલાડી પણ એક ટીમમાંથી બીજી ટીમમાં જઈ શકશે. ઘણા એવા ખેલાડીઓ છે, જેમને પોતાની ટીમ તરફથી મેદાનમાં ઊતરવાની તક મળી નથી.
આવા ખેલાડીઓમાં પંજાબનો ક્રિસ ગેલ, રાજસ્થાનનો ડેવિડ મિલર અને દિલ્હીના રહાણે જેવા ખેલાડીનો સમાવેશ થાય છે.
આ વર્ષે યોજાનારા મિડ-સિઝન ટ્રાન્સફરના કેટલાક નિયમ છે, એ નિયમ પર એક નજર કરીએ
ખેલાડીઓની ટ્રાન્સફર ત્યારે જ કરાશે,જ્યારે IPLમાં રમતી બધી આઠ ટીમ પોતાની લીગ રાઉન્ડની અડધી મેચ એટલે કે સાત-સાત મેચ પૂરી કરી લે.
આ નિયમ ફક્ત એવા ખેલાડીઓ માટે જ માન્ય હશે, જેઓ પોતાની ટીમ તરફથી બેથી ઓછી મેચ રમ્યા હોય.
દરેક ટીમમાંથી નીચે આપેલી યાદીમાં સામેલ ખેલાડીઓ IPL-૨૦૨૦ મિડ-સિઝન ટ્રાન્સફરમાં ભાગ લઈ શકશે.