કોલકાતામાં ગુરુવારે ઇન્ડિયન પ્રીમિયર લીગ ટી20 ક્રિકેટ ટૂર્નામેન્ટની આગામી સિઝન માટે ખેલાડીઓની હરાજી કરવામા આવી હતી. હરાજીમાં ઓસ્ટ્રેલિયન ખેલાડીઓ છવાઇ ગયા જ્યારે વેસ્ટ ઇન્ડિઝના ખેલાડીઓને પણ સારી રકમ મળી. જોકે આ બધા વચ્ચે હરાજી દરમિયાન ઘણી વખત મિસ્ટ્રી ગર્લ ચર્ચાનો વિષય બને છે. 2018માં માલતી ચહર હોય કે પછી રોયલ ચેલેન્જર્સ બેંગ્લોરની ફેન દીપિકા ઘોષ હોય, આ વખતે પણ વધુ એક મિસ્ટ્રી ગર્લ ચર્ચાનો વિષય બની છે.
સનરાઇઝર્સ હૈદરાબાદના ટેબલ પર બેઠેલી આ ગર્લ ઓક્શન દરમિયાન તમામનું આકર્ષણનું કેન્દ્ર બની. ઑક્શન દરમિયાન હૈદરાબાદ માટે બોલી લગાવનારી આ ગર્લનું નામ કાવ્યા મારન છે. કાવ્યા મારન સનરાઇઝર્સ હૈદરાબાદના માલિક કલાનિધિ મારનની દિકરી છે, તો સનરાઇઝર્સ હૈદરાબાદની મેચ દરમિયાન પણ ઘણી વખત પોતાની ટીમને સપોર્ટ કરતી દેખાય છે.
કાવ્યા ફ્રેન્ચાઈઝીની કો-ઓનર હોવા ઉપરાંત ક્રિકેટ લવર પણ છે. તે સન ટીવી અને સન ટીવીની એફએમ ચેનલો સાથે જોડાયેલી છે. તે પ્રથમ વખત IPL 2018 દરમિયાન જોવા મળી હતી, તેણે ચેન્નાઇમાંથી MBA કર્યુ છે. હાલમાં તે પોતાનું સંપૂર્ણ ધ્યાન IPL પર રાખે છે.
સનરાઇઝર્સ હૈદરાબાદે IPL ની હરાજીમાં 2 વિદેશી સહિત 7 ખેલાડીઓ ખરીદ્યા છે. વિરાટ સિંહ, પ્રિયમ ગર્ગ, મિચેલ માર્શ, સંદીપ બાવંકા, ફૈબિએલ એલેન, અબ્દુલ સમદ અને સંજય યાદવને હૈદરાબાદે પોતાની ટીમમાં શામેલ કર્યા છે.