જાહેરાત / ક્રિકેટ પ્રેમીઓ માટે સારા સમાચાર: IPL 2020નું શેડ્યુલ જાહેર, જાણો ક્યારે યોજાશે ફાઇનલ મેચ

પ્રાપ્ત થતી જાણકારી પ્રમાણે, 19 સપ્ટેમ્બરથી UAEમાં IPL શરૂ થશે. 50થી વધુ દિવસ IPL ચાલશે. અને 10 નવેમ્બરે IPL 2020ની ફાઇનલ મેચ યોજાશે. ઉલ્લેખનીય છે કે, પ્રથમ મેચમાં મુંબઈ ઈન્ડિયન્સ અને ચેન્નાઈ સુપરકિંગ્સ વચ્ચે મુકાબલો થશે. જ્યારે 5 નવેમ્બરે પ્રથમ ક્વાર્ટર ફાઈનલ મેચ યોજાશે. તો 8 નવેમ્બરે બીજી ક્વાર્ટર ફાઈનલ મેચ યોજાશે અને 10 નવેમ્બરે ફાઈનલ યોજાશે.

ડ્રીમ 11 આ વર્ષે શરૂ થનાર આઇપીએલનો સ્પોન્સર હશે

ડ્રીમ 11 આ વર્ષે શરૂ થનાર આઇપીએલનો સ્પોન્સર હશે પરંતુ ભારતીય ક્રિકેટ બોર્ડે તેની 3 વર્ષની બોલી નામંજૂર કરી દીધી છે. તેણે 2021 અને 2022 માટે ઓછી બોલી લગાવી હતી. ડ્રીમ ઇલેવને બાયજુ અને અનએકેડમીને પાછળ છોડીને 222 કરોડ રૂપિયામાં સ્પોન્સરશીપ ટેગ ખરીદી લીધો હતો. હવે વિવોની જગ્યા ડ્રીમ 11 લીધી છે.

ડ્રીમ ઇલેવને વિવોની સ્પોન્સરશીપની જગ્યાએ 2021 અને 2022માં પણ 240 કરોડ રૂપિયા આપીને સ્પોન્સરશીપ ખરીદવાની ઑફર મુકી હતી પરંતુ તેને ફગાવી દેવામાં આવી હતી. ભારત અને ચીન વચ્ચે ચાલી રહેલા તણાવને કારણે વિવોને મૅચમાંથી બહારનો રસ્તો બતાવી દેવામાં આવ્યો છે.