IPLIN
 

IPL 2020 / રબાડાની રફતાર સામે ન ચાલી કોહલી બ્રિગેડ, દિલ્હીએ 59 રને બેંગલુરૂને હરાવ્યું

Team VTV 12:15 AM, 06 Oct 20 | Updated: 12:15 AM, 06 Oct 20
Follow us
IPL 2020 Delhi Capitals beat RCB by 59 runs

IPLની 13મી સીઝનના 19માં મુકાબલામાં દિલ્હી કેપિટલ્સે બાજી મારી. સોમવારે રાત્રે દુબઈમાં દિલ્હીએ રૉયલ ચેલેન્જર્સ બેંગલુરૂને 59 રને હરાવ્યું. 197 રનના લક્ષ્યનો પીછો કરવા ઉતરેલી બેંગલુરૂની ટીમ 20 ઓવરમાં 137/9 રન જ બનાવી શકી. સાઉથ આફ્રીકી પેસર કૈગિસો રબાડાની ઝડપ સામે વિરાટ બ્રિગેટ ચાલી ન શકી.

  • IPL 2020ના 19માં મુકાબલામાં RCBને દિલ્હી 59 રને હરાવ્યું
  • મેચમાં દિલ્હી કેપિટલ્સે 20 ઓવરમાં 4 વિકેટ ગુમાવીને 196 રન કર્યા હતા
  • લક્ષ્યાંકનો પીછો કરતા બેંગલુરૂએ 10 ઓવરમાં 9 વિકેટ ગુમાવીને 137 રન કર્યા

તેની સાથે જ શ્રેયસ અય્યરની કેપ્ટનશીપ વાળી દિલ્હી ટીમ પોઇન્ટ ટેબલમાં ટૉપ પર પહોંચી ગઇ છે. પાંચ મેચોમાં ચાર જીતની સાથે 8 પોઇન્ટ થઇ ગઇ, જ્યારે વિરાટ કોહલીની આગેવાનીમાં બેંગલુરૂની ટીમ પાંચ મેચોમાં આ બીજી હાર છે.

43ના સ્કોર પર ત્રીજી વિકેટ ગુમાવ્યા બાદ બેંગલુરૂની ટીમ પર એવું દબાણ બન્યું કે તે તેનાથી ઉભરી ન શકી. કેપ્ટન વિરાટ કોહલી(43) પણ આ દબાણને સહી ન શક્યા. આ સિવાય RCBનો કોઇ બેટ્સમેન 20 રનના આંકડાને પણ ન આંબી શકી. 

ઉચ્ચ ક્રમમાં દેવદત્ત પડિક્કલ(4), એરૉન ફિંચ(13) અને એબી ડિવિલિયર્સ(9) કંઇ કરી ન શકી. કૈગિસો રબાડાએ 4 ઓવરમાં 24 રન આપીને સૌથી વધી 4 વિકેટ ઝડપી. પેસર એનરિક નોર્તજે અને ડાબા હાથના સ્પિનર અક્ષર પટેલને 2-2 સફળતા મળી. સ્ટાર ઓફ સ્પિનર આર. અશ્વિનને એક વિકેટ મળી.

Ipl 2020 delhi RCB ક્રિકેટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ