ગઈ કાલે IPLની એક ખૂબ રોમાંચક મેચમાં દિલ્હી કેપીટલ્સનો કિંગ્સ ઇલેવન પંજાબ સામે વિજય થયો. નિર્ધારિત ઓવરમાં મેચ ટાઇ રહી. ત્યાર બાદ મેચનો નિર્ણય સુપર ઓવરમાં થયો, જ્યાં દિલ્હીની ટીમે બાજી મારી દીધી.
અમ્પાયરે પંજાબના એક રનને શોર્ટ રન જાહેર કર્યો
સ્લો-મોશન રિપ્લેમાં સ્પષ્ટ જોઈ શકાતું હતું કે આ રન શોર્ટ નહોતો
અમ્પાયરની ભૂલ પર વીરેન્દ્ર સહવાગે ગિન્નાયો
જોકે દિલ્હીની જીત પર અનેક સવાલ ઊભા થઈ રહ્યા છે. ક્રિકેટના અનેક ભૂતપૂર્વ દિગ્ગજ અને પ્રશંસક આરોપ લગાવી રહ્યા છે કે અમ્પાયરની એક ભૂલના કારણે પંજાબની ટીમ મેચ હારી ગઈ. અસલમાં અમ્પાયરે પંજાબના એક રનને શોર્ટ રન જાહેર કર્યો, પરંતુ સ્લો-મોશન રિપ્લેમાં સ્પષ્ટ જોઈ શકાતું હતું કે આ રન શોર્ટ નહોતો.
I don’t agree with the man of the match choice . The umpire who gave this short run should have been man of the match.
Short Run nahin tha. And that was the difference. #DCvKXIPpic.twitter.com/7u7KKJXCLb
ગઈ કાલે પંજાબની જીત નિશ્ચિત લાગી રહી હતી. ૧૯મી ઓવરમાં બોલિંગ માટે કેગિસો રબાડા આવ્યો. ઓવરનો બીજો બોલ યોર્કર હતો, જેને મિડ-ઓનની તરફ રમીને અગ્રવાલે બે રન પૂરા કરી દીધા. બીજા છેડે ક્રિસ જોર્ડન બેટિંગ કરી રહ્યો હતો, પરંતુ અમ્પાયર નીતિન મેનને આને શોર્ટ રન જાહેર કર્યો. તેઓએ બીજા અમ્પાયર સાથે વાતચીત કરી કહ્યું કે જોર્ડને પોતાનો પહેલો રન પૂરો કરતી વખતે બેટને ક્રિઝની અંદર નહોતું મૂક્યું. આથી પંજાબને માત્ર એક રન આપવામાં આવ્યો. ટીવીના સ્લો મોશન રિપ્લેમાં સ્પષ્ટ જોઈ શકાતું હતું કે જોર્ડનનો આ રન શોર્ટ નહોતો. તેણે બેટ યોગ્ય રીતે મૂક્યું હતું. જેથી એક રન ઓછો હોવાના કારણે મેચ ટાઈ થઈ ગઈ.
અમ્પાયરની ભૂલ પર વીરેન્દ્ર સહવાગે ગિન્નાયો. તેણે અમ્પાયરના નિર્ણય પર કટાક્ષ કરતાં કહ્યું કે, ''હું મેન ઓફ ધ મેચના નિર્ણયથી ખુશ નથી. મેન ઓફ ધ મેચના અસલી હકદાર અમ્પાયર લાગે છે. તેને જ મેન ઓફ ધ મેચ આપો. એ શોર્ટ રન નહોતો. આ એક રનના કારણે પંજાબની ટીમ હારી ગઈ.''