ક્રિકેટ / વાઈડ બોલ આપવાની તૈયારીમાં જ હતા એમ્પાયર, ધોનીનો ગુસ્સો જોઈ હાથ નીચા થઇ ગયા, જુઓ VIDEO

• ઈન્ડિયન પ્રીમિયર લીગની 13મી સીઝનમાં ચેન્નઈ સુપર કિંગ્સનું શાનદાર પ્રદર્શન
• એમ્પાયર પર ગસ્સે થયો ધોની
• વીડિયો સોશિયલ મીડિયા પર વાયરલ

હકીકતમાં આ ઘટના ઈનિંગ્સની 19મી ઓવરમાં બની હતી જ્યારે શાર્દુલ ઠાકુર સીએસકેની ટીમ માટે બોલિંગ કરી રહ્યો હતો. શાર્દુલ વાઈડ યોર્કરને ઓફ સ્ટમ્પની બહાર ફેંકવાનો પ્રયાસ કરી રહ્યો હતો, ત્યારે તેનો પહેલો બોલ એમ્પાયર દ્વારા વાઈડ આપવામાં આવ્યો, પરંતુ શાર્દુલ તેની લાઇન બદલી ના શક્યો અને પછીનો બોલ પણ બોલ્ડ કર્યો. આ બોલને વધારે વાઈડ આપવા માટે એમ્પાયરે હાથ ઊંચા કર્યા, પરંતુ વિકેટની પાછળ ઊભેલો ધોની એમ્પાયરના આ નિર્ણયને જોઈને ગુસ્સે થઈ ગયો, ત્યારબાદ એમ્પાયરે વાઈડ આપવા માટે ઉઠાવેલાં તેના બંને હાથ પાછા ખેંચી લીધા. આ વીડિયો સોશિયલ મીડિયા પર ખૂબ જ વાયરલ થઈ રહ્યો છે.

pic.twitter.com/YuNL2eLQ6w
Wasn't the umpire looking to signal a wide and then changed his view?#CSKvsSRH #SRHvsCSK #CSK #Yellove #Dhoni #MSDhoni @msdhoni @msdfansofficial

— Sridhar_FlashCric (@SridharBhamidi) October 13, 2020

આ પહેલા ટોસ જીતીને અને બેટિંગ કર્યા બાદ ચેન્નાઈ સુપર કિંગ્સની ટીમે અંબાતી રાયડુ (41) અને શેન વોટસન (42)ની શાનદાર ઈનિંગ્સના દમ પર  20 ઓવરમાં 6 વિકેટ ગુમાવીને 167 રન બનાવ્યા હતા. હૈદરાબાદની ટીમ 20 ઓવરમાં 8 વિકેટના નુકસાન પર 147 રન બનાવી શકી હતી. સીએસકે તરફથી ડ્વેન બ્રાવો અને કરણ શર્માએ બે-બે વિકેટ ઝડપી હતી. ધોનીની આગેવાની હેઠળ 8 મેચોમાં ચેન્નાઈની આ ત્રીજી જીત છે, જ્યારે હૈદરાબાદને આ સીઝનની પાંચમી હારનો સામનો કરવો પડ્યો છે.