IPL 2020 / ચેન્નઇ સુપર કિંગ્સની ટૂર્નામેન્ટમાં આશા હજુ પણ જીવિત, હૈદરાબાદને 20 રને હરાવ્યું

• ચેન્નઇએ સનરાઇઝર્સને 20 રને હરાવ્યું
• ચેન્નઇ સુપર કિંગ્સની ટૂર્નામેન્ટમાં આશા જીવતી રહી
• ચેન્નઇ હવે પોઇન્ટ ટેબલમાં છઠ્ઠા નંબરે

આઇપીએલની 13મી સીઝનનો 29માં મુકાબલો ચેન્નઈ સુપર કિંગ્સે જીત્યો છે. મહેન્દ્રસિંહ ધોનીની આગેવાની વાળી ચેન્નઇની ટીમે સનરાઇઝર્સ હૈદરાબાદને 20 રને હરાવી દીધી છે. 168 રનના લક્ષ્યાંકનો પીછો કરવા ઉતરેલી ડેવિડ વૉર્નરની ટીમે 20 ઓવરમાં 147/8 રન જ બનાવી શકી.

આ આઇપીએલમાં સનરાઇઝર્સે ગત મેચમાં ચેન્નઇની ટીમને 7 રને હરાવી હતી. હવે તેણે પોતાની હારનો બદલો લીધો છે. આ જીત સાથે જ ચેન્નઇ સુપર કિંગ્સની ટૂર્નામેન્ટમાં આશા જીવતી રહી છે. તેમણે ત્રીજી જીત મેળવી છે. આ તેનો આઠમી મેચ હતી. બીજી તરફ હૈદરાબાદ આટલી જ મેચોમાં 5મી હાર રહી. ચેન્નઇ હવે પોઇન્ટ ટેબલમાં છઠ્ઠા નંબર પર છે, જ્યારે હૈદરાબાદ પાંચમાં સ્થાન પર યથાવત્ છે.

That is Game, Set and Match!#CSK win by 20 runs to register their third win of #Dream11IPL 2020. pic.twitter.com/2lJM4MKEZj

— IndianPremierLeague (@IPL) October 13, 2020

સનરાઇઝર્સ હૈદરાબાદે ડેવિડ વૉર્નન(9) અને મનીષ પાંડે(4)ની વિકેટ 27 રને ગુમાવી દીધી. ત્યારબાદ જૉની બેયરસ્ટો(23) અને પ્રિયમ ગર્ગ(16)ની વિકેટ પડી. કેન વિલિયમસને 57 રનની ઇનિંગ રમી, પરંતુ જીત માટે તેમની મહેનત નિષ્ફળ સાબિત થઇ.