એક સમયે ટીમ ઇન્ડિયાના મોસ્ટ એલિજિબલ બેચરલ રહી ચૂકેલો રોહિત શર્મા હવે પોતાના પારિવારિક જીવનનો ઉત્સાહ સાથે જીવી રહ્યો છે. તેની એક ઝલક રવિવારે રાત્રે મુંબઈના વાનખેડે સ્ટેડિયમમાં જોવા મળી. 2015માં ગર્લફ્રેન્ડ ઋતિકા સાથે લગ્ન કર્યા બાદ પાછલા વર્ષના અંતમાં પિતા બનેલા 'હિટમેન' ની જે તસવીર ઈન્ટરનેટ પર વાઈરલ થઈ રહી છે, તે બધાના દિલોમાં છવાઇ ગઇ છે.
દુનિયાના દરેક ખૂણમાં પોતાના પતિને ચીયર કરતી જોવા મળતી ઋતિકા IPLમાં પોતાની દિકરી સમાયરા સાથે સતત મેચ જોવા માટે પહોંચતી રહી છે. 5મે કોલકાતા સામેની લીગ સ્ટેજની છેલ્લી મેચમાં હાફ સેન્ચુરી રોહિતે સમાયારા માટે પ્રેમ વ્યક્ત કરતા બેટને સ્નેહ કર્યો હતો.
આટલું જ નહીં 9 વિકેટથી મુંબઈની જીત અપાવ્યા બાદ રોહિત સમાયરાને મેદાન પર લઇ ગયો. મેદાનમાં આડા પડીને દિકરીને પોતાના ખોળામાં લીધી અને પત્ની સાથે સેલ્ફી લેતા જોવા મળ્યો. હવે શર્મા પરિવારનો આ ફોટો ઇન્ટરનેટ પર ખૂબ જ વાયરલ થઇ રહ્યો છે.
આ પહેલીવાર નથી જ્યારે દુનિયાએ સમાયરા માટે રોહિતને પ્રેમ જોયો હોય.મુંબઈનો કેપ્ટન સમય-સમય પર પોતાની દિકરીની તસવીરો અને વીડિયો સોશ્યલ મીડિયા પર સતત અપડેટ કરતો રહે છે.
IPLની વાત કરીએ રોહિત શર્માની કેપ્ટનશિપમાં મુંબઈની ટીમ હાલમાં કોલકાતાને લીગ રાઉન્ડની છેલ્લી મેચ હરાવીને ટોચના સ્થાન પર પહોંચી ગઇ છે. જે પછી મુંબઇ, ચેન્નાઇ, દિલ્હી અને હૈદરાબાદની પ્લે ઑફમાં ટક્કર જોવા મળશે.